قر پرەزيدەنتىنىڭ تەلەراديوكەشەنى ابايدىڭ 175 جىلدىعىنا ارناپ تۇسىرگەن كينوجوبا قر مادەنيەت جانە سپورت مينيسترلىگىنىڭ تاپسىرىسى بويىنشا «ۇلتتىق كينونى قولداۋ مەملەكەتتىك ورتالىعىنان» قولداۋ تاپتى, دەپ حابارلايدى Egemen.kz.
فيلم ون بەس استارلى اڭگىمە مەن فيلوسوفيالىق تراكتاتتاردان تۇرادى. كينوجوبا رەجيسسەرى اقىننىڭ ىرگەلى تۋىندىسىن جاڭا قىرىنان اشۋ ءۇشىن كۇردەلى شەشىمدەر قولدانعان.
باستى كەيىپكەرلەردىڭ رولدەرىن قازاقستاندىق كينەماتوگرافتىڭ ەڭبەك سىڭىرگەن اكتەرلەرى – تۇڭعىشباي جامانقۇلوۆ, جان بايجانباەۆ, ەرىك جولجاقسىنوۆ, نۇرلان ءالىمجانوۆ, ارۋجان جازىلبەكوۆا, بەرىك ايتجانوۆ, ايان وتەپبەرگەن سومدادى.
تەلەراديوكەشەننىڭ باس ديرەكتورى راۋشان قاجىباەۆا «قارا سوزدەردە» ۇلتتىق تاربيە مەن دۇنيەتانىم, ادامگەرشىلىك جانە مورالدىق نەگىزدەر كوتەرىلەدى دەيدى.
« ۇلى ابايدىڭ كەڭەستەرى مەن نۇسقاۋلارى بۇگىنگى كۇنى دە وزەكتى. ءبىزدىڭ جۇمىسىمىز قازاق ادەبيەتىنىڭ كلاسسيگى, اقىن, قوعام قايراتكەرى جانە XIX عاسىردىڭ ۇلى اعارتۋشىسى – «قارا سوزدەردى» ىلگەرىلەتۋگە ۇلەس قوسادى دەپ ۇمىتتەنەمىز», دەدى ول.
كينوجوبانىڭ ءتۇسىرىلىم جۇمىستارى الماتى مەن الماتى وبلىسىنىڭ اۋماعىندا ءوتتى.
ايتا كەتسەك, فيلم ءۇش تىلدە: قازاق, ورىس جانە اعىلشىن تىلدەرىندە تۇسىرىلگەن.ء دال قازىر كوركەم فيلم گرافيكالىق جۇمىستاردى جۇرگىزۋدىڭ سوڭعى كەزەڭىنەن وتۋدە.