قازاقستاندىق بوكسشى دانيار ەلەۋسىنوۆتىڭ (10-0, 6 كو) كەلەسى جەكپە-جەكتەگى قارسىلاسى اۋىستى, دەپ حابارلايدى Egemen.kz.
Boxrec.com سايتىنىڭ مالىمەتىنشە, ەلەۋسىنوۆتىڭ جاڭا وپپونەنتى ارگەنتينالىق حۋان ەرنان لەال (15-1, 4 كو) بولماق. جەكپە-جەك ون ەكى راۋندقا ەسەپتەلىنگەن, ولار IBO نۇسقاسى بويىنشا جارتىلاي ورتا سالماقتا الەم چەمپيونى ۆاكانتتى تيتۋلى ءۇشىن ايقاسپاق.
ەسكە سالا كەتەيىك, اۋەلىدە دانيار ەلەۋسىنوۆ مەكسيكالىق بوكسشى دانتە حاردونمەن (34-7, 25 كو) جۇدىرىقتاسۋى ءتيىس بولعان. الايدا ول سپاررينگ كەزىندە قولىن سىدىرىپ الدى. ەلەۋسىنوۆ — لەال جەكپە-جەگى 18 جەلتوقسان كۇنى نۇر-سۇلتان قالاسىندا وتپەك.
دانيار سوڭعى رەت شارشى الاڭعا ءبىر جىل بۇرىن 2020 جىلعى قاراشادا شىققان بولاتىن. وندا ول دجۋليۋس يندونگونى (23-4, 12 كو) ەكىنشى راۋندتا نوكاۋتپەن جەڭدى.