ءبىز ءسىزدى ۇمىتپايمىز, اكە!

جىل سايىن 9 مامىردا مەن اكەم قايىربەك بايماعامبەتوۆتى ماقتانىشپەن ەسكە الامىن. ول وتە سىپايى ادام بولعان. سو­عىستاعى ءومىرى تۋرالى كوپ ايت­پاي­تىن, ەشقاشاندا ماقتانبايتىن. جەڭىستىڭ 65 جىلدىعى قارسا­ڭىن­دا 5 بالا وسىرگەن, 3-ءشى كارەليا, 2-ءشى ۋكراينا, سوسىن قيىر شى­عىس مايداندارىندا وفيتسەر بو­لىپ قىزمەت ەتكەن اكەمنىڭ ءدۇ­نيە­دەن قايتقانىنا 20 جىل بو­لادى. سوندىقتان ول كىسى تۋرالى كىشكەنە ەستەلىك ايتقىم كەلەدى. اسكەرگە اكەمىز الماتىداعى زووۆەتەرينارلىق ينستيتۋتىن ۇزدىك بەلگىمەن ءبىتىرىپ 1940 جىلى اسپيرانتۋرادا وقىپ جۇرگەندە كەتىپتى. قىزمەتىن ول كىسى كارەليا مايدانىنىڭ اق فيندەرمەن كۇرەسىپ جاتقان 7-ءشى ارمياسىنداعى 27-ءشى ديۆيزياسىنان باس­تاعان. سودان سوڭ 1941 جىلى ۇلى وتان سوعى­سى باستالىپ, لەنين­گراد باعىتىندا شاي­قاسقان. 1944 جىلدىڭ قىر­­كۇيەك ايىنان باستاپ اكەم 2-ءشى ۋك­راينا مايدا­نىنداعى 5-ءشى دون كاۆالە­ريا­لىق كورپۋسى قۇرا­مىندا نەمىستەردەن بۋداپەشت قالاسىن بوساتۋعا كى­رىستى. وسى اسكەري قۇرىلىممەن ول كىسى ۆەنگريا, رۋمىنيا, يۋگوسلاۆيا جانە اۆس­تريا ەلدەرىن ازات ەتۋگە قاتىستى. جە­ڭىستى ۆە­نادا قارسى العان. سو­عىستاعى ەر­لىگى كوپتەگەن وردەن-مەدالدارمەن اتاپ وتىلگەن. مايداننان كەل­گەن­نەن كەيىن اكەم قا­زاق­ستاننىڭ اۋىل شا­رۋا­شىلىعىنىڭ دا­مۋىنا وتە كوپ كۇش جۇمسادى. سەمەي وب­لى­سىنداعى ايا­گوز اۋدانىنىڭ “قاراكول” سوۆ­حوزى مەن سوۆ­حوزداردىڭ وبلىس­تىق ترە­سىنىڭ ديرەكتورى, تالدى­قور­عان وب­لىسىنداعى اقسۋ جانە سار­قانت اۋداندىق اۋىل شارۋا­شى­لىعى باسقارما­لا­رىنىڭ باس­تىعى جانە پانفيلوۆ اۋداندىق اتقارۋ كوميتەتىنىڭ توراعاسى بولدى. جۇرتشى­لىق­تىڭ ىستىق ءىلتيپا­تىنا بولەندى. وسىنداي ابزال جاندى 9 مامىر – جەڭىس كۇنى ساعىنىشپەن ەسكە الامىن. ءبىز ءسىزدى ۇمىتقانىمىز جوق, اكە! س.بايماعامبەتوۆا, س.سەيفۋللين اتىنداعى قازاق اگرارلىق ۋنيۆەرسيتەتىنىڭ وقىتۋشىسى. استانا.