الماتى تۇرعىنى زاڭسىز قاراجاتتى قولما-قول اقشاعا اينالدىرعانى ءۇشىن سوتتالدى, دەپ حابارلايدى Egemen.kz.
بۇل تۋرالى قارجى مونيتورينگى اگەنتتىگى ءمالىم ەتتى.
ۆەدومستۆو مالىمەتىنشە, الماتى قالاسىنىڭ اۋماقتىق دەپارتامەنتى زاڭسىز قارجىنى قولما-قول اقشاعا اينالدىرۋعا قاتىستى قىلمىستىق ارەكەت جاساعان ەر ادامعا قاتىستى سوتالدى تەرگەۋدى اياقتادى.
تەرگەۋ بارىسىندا كۇدىكتىنىڭ 2017 جىلدىڭ اياعىنان 2020 جىلعا دەيىنگى ارالىقتا باقىلاۋداعى ءتورت كومپانيا ارقىلى جالپى سوماسى 2,6 ميلليارد تەڭگەدەن اسا سوماعا جالعان بۋحگالتەرلىك قۇجاتتاردى بەرۋ ارقىلى كوممەرتسيالىق ۇيىمدارعا سالىق تولەۋدەن جالتارۋ قىزمەتىن كورسەتكەنى انىقتالدى.ول بەس جىل مەرزىمگە ەكونوميكالىق قىزمەت سالاسىندا باسشىلىق لاۋازىمداردى اتقارۋ قۇقىعىنان ايىرىلا وتىرىپ, 3,5 جىلعا باس بوستاندىعىنان ايىرىلدى.