باعا باسىن يمەي تۇر

وسىممەن قاتار ينفلياتسيا دا جوعا­رىلاپ كەلە جاتىر. بيىل قازان ايىنىڭ قورىتىندىسى بويىنشا ەلدە تاۋار مەن قىزمەتتەر باعاسى ءبىر جىلدا 8,9 پايىزعا قىمباتتاعان. ينفلياتسيانىڭ ايتارلىقتاي ءوسىمى بيىل ماۋسىم ايىنان بەرى قاتتى بايقالعان. قىمباتشىلىق ازىق-ت ۇلىك ونىمدەرىنە, باسقا دا تاۋار­لارعا جانە اقىلى قىزمەتتەردى شارپىپ تۇر.

«اتاپ وتەيىك, قازان ايىندا ينفلياتسيا مامىردان بەرى العاش رەت باياۋلاعان ەدى جانە قىركۇيەكتەگى دەڭگەيىندە قالعان. داعدارىستىڭ جالعاسۋىنا سەبەپ بولىپ وتىرعان ءبىر فاكتور, وسى – باعا قىمبات­شىلىعى. الايدا بۇل جاعداي بۇكىل الەمدە – دامىعان ەلدەردە دە, دامۋشى ەلدەردە دە كورىنىس بەرىپ وتىر» دەپ جازادى Ranking.

جۇرتشىلىق ازىق-ت ۇلىك تاۋارلارى باعاسىنىڭ ەرەكشە ءوسىپ كەتكەنىن اڭعارىپ ءجۇر. باعا 2020 جىلدىڭ قازانىنان 2021 جىلدىڭ قازانىنا دەيىنگى ارالىقتا 11,3 پايىزعا وسكەن. بۇل رەتتە قازانداعى كور­سەتكىشتى قىر­كۇيەكتەگىمەن سالىس­تىرعاندا ينفلياتسيا (11,5 پايىز) باياۋلاعان.

«ەت باعاسىنىڭ قىمباتتاۋى دا ينفليا­تسيانىڭ جەدەلدەۋىنە سەبەپ بولدى. قازان ايىن­داعى كورسەتكىشى بويىنشا سوڭعى ءبىر جىلدا 10,3 پايىزعا ءوستى. سونداي-اق كۇنبا­عىس مايى ء(بىر جىلدا 56,2 پايىزعا) مەن قانت تا ء(بىر جىلدا 32,1 پايىزعا) قىمباتتادى. مۇنداي جاعداي الەمدە دە بايقالىپ وتىر. FAO دەرەكتەرى بويىنشا ەتتىڭ الەمدىك باعاسى ءبىر جىلدا ورتاشا 12,1 پايىزعا, وسىمدىك مايى مەن قانت 84,8 جانە 19,1 پا­يىزعا وسكەن. ءوز كەزەگىندە قازاقستاندا ازىق-ت ۇلىكتىك ەمەس ينفلياتسيا 7,8 پايىزعا دەيىن جىلدامدادى. بۇعان بەنزين ء(بىر جىلدا 15,6 پايىزعا), ديزەل وتىنى ء(بىر جىلدا 24,4 پايىزعا) جانە ۇزاقمەرزىمدى پايدالانۋ تاۋارلارىنىڭ قىمباتتاۋى ينفلياتسيانىڭ وسى ءتۇرىنىڭ شارىقتاۋىنا سەبەپ بولدى. سونىمەن بىرگە اقىلى قىزمەتتەر باعاسى 6,9 پايىزعا دەيىن ارتتى» دەپ جازادى Ranking.

الەمدە شيكىزات, ەنەرگيا تاسىمالداۋشىلار جانە ترانسپورتتىق جەتكىزۋ باعاسىنىڭ ءوسۋى ينفلياتسيالىق قىسىمدى ۇدەتتى. لوگيستيكا ماسەلەسىنىڭ دە ءالى ءبىر قالىپقا تۇسپەۋى جاعدايدى وڭالتپاي تۇر. ونىڭ ۇستىنە پاندەميا اسەرىنەن تۋىنداعان تاۋەكەلدەردىڭ دە بەتى قايتقان جوق. ارينە, مۇنىڭ ءبارى جيىلىپ كەلىپ ينفلياتسيانىڭ «باعاسىن اسىرادى».

وسى ورايدا Ranking ەۋروپادا ينفلياتسيانىڭ 13 جىلدىق ماكسيمۋمعا دەيىن جەدەلدەپ كەتكەنىن ايتادى. ءسوي­تىپ, كارى قۇرلىقتا باعا قىمبات­شى­لىعى 4,1 پايىزعا جەتكەن. بۇل ۇلى رەتسەس­سيا جىلدارىنان بەرگى ەڭ جوعار­عى كورسەتكىش ەكەن. ينفلياتسيا ءوسىمى بەل­گيا (3,8-دەن 5,4-كە), گەرمانيا (4,1-دەن 4,6-عا), ەستونيا (6,4-تەن 7,4-كە), يرلان­ديا (3,8-دەن 5,1-گە), فرانتسيا (2,7-دەن 3,2-گە), يتاليا (2,9-دان 3,1-گە) جانە ليتۆادا (6,4-تەن 8,2-گە) قاتتى بايقال­عان. ال الەم ەكونوميكاسىنىڭ 20 پايىزىن ەنشىلەيتىن اقش-تا تاۋار مەن قىزمەتتەر باعاسى ءبىر جىلدا 5,8 پايىزعا ءوسىپتى.

الەمدىك ۇردىستەر لەگى قازاقستانعا دا اسەرىن تيگىزبەي قويمايدى. ءارى ساۋدا-سەرىك­تەس ەلدەردەگى احۋال بىزگە تىم قات­تىراق اسەر ەتەدى. ماسەلەن, رەسەيدە ينفليا­تسيا سوڭعى بەس جىلدا 8 پايىزدان اسىپ ءتۇستى. ءبىز كوبىنە رەسەيدەن تاۋار تا­سى­مالدايتىندىقتان, وتاندىق نارىق­تاعى باعا وزدىگىنەن قىمباتتاي بەرمەك.