الماتى وبلىسىندا بىرنەشە كولىك اپاتى بولدى

قايعىلى وقيعا بەينەلەنگەن ۆيدەو الەۋمەتتىك جەلىلەردە جاريالاندى.

«قۇلجا تاس جولىندا ادامدى قاعىپ كەتتى. اباي بولىڭىزدار. ادامدى وسىلاي قاعىپ كەتۋ ءۇشىن ول قانداي جىلدامدىقپەن ءجۇردى ەكەن», دەيدى ۆيدەوعا ءتۇسىرىپ تۇرعان اۆتور.

الماتى وبلىستىق پوليتسيا دەپارتامەنتىنىڭ ءباسپاسوز قىزمەتى اتالعان وقيعاعا قاتىستى پىكىر ءبىلدىردى.

«بۇل فاكتى 27 قاراشا كۇنى تۇنگى ساعات 23:00 شاماسىندا تالعار اۋدانىندا بولعان. الدىن الا بولجام بويىنشا, كيا-ريو كولىگىنىڭ 21جاستاعى جۇرگىزۋشىسى «الماتى-كوكپەك-كوكتال» تاس جولىندا رولگە يە بولا الماي, جاياۋ جۇرگىنشىنى قاعىپ كەتتى. 52 جاستاعى ادام وقيعا ورنىندا مەرت بولدى», دەلىنگەن ۆەدومستۆونىڭ حابارلاماسىندا.

قازىر قر قك 345-بابى 3-بولىگىنە سايكەس ءىس قوزعالىپ, ساراپتامالار تاعايىندالىپ, سوتقا دەيىنگى تەرگەۋ ءجۇرىپ جاتىر.

سونىمەن قاتار 27 قاراشا كۇنى الماتى وبلىسىندا ءۇش كولىك سوقتىعىسىپ, 13 جاستاعى بالا مەرت بولدى. وقيعا «الماتى-كوكپەك-كوكتال» تاس جولىندا بولعان. الدىن الا بولجام بويىنشا, Kia Sportage كولىگى باتىس باعىتپەن كەلە جاتىپ, بۇرىلىستا بۇرىلعالى تۇرعان Volkswagen Golf كولىگىنە سوعىلدى. سوققىنىڭ سالدارىنان Volkswagen Golf قارسى باعىتقا شىعىپ كەتىپ, Toyota Ipsum كولىگىنە سوعىلعان.