وڭتۇستىك افريكا رەسپۋليكاسىندا B. كوروناۆيرۋستىڭ 1.1.529 اتاۋى بار جاڭا مۋتاتسياسى انىقتالدى, دەپ حابارلايدى Egemen.kz.
بۇل تۋرالى BBC اگەنتتىگى جازادى.«بۇل نۇسقا بۇرىنعىلارعا قاراعاندا الدەقايدا جۇقپالى جانە ۆاكتسينالاردىڭ وعان اسەرى ءتيىمسىز بولۋى ابدەن مۇمكىن», دەپ باياندادى اگەنتتىككە بەرگەن سۇحباتىندا وڭتۇستىك افريكالىق ەپيدەميولوگ, پروفەسسور ساليم كاريم.
جۇما كۇنى دۇنيەجۇزىلىك دەنساۋلىق ۇيىم ساراپشىلارى جاعدايدى باعالاۋ ءۇشىن وڭتۇستىك افريكا رەسپۋبليكاسىندا وسى ەلدىڭ شەنەۋنىكتەرىمەن كەزدەسەدى. ۆيرۋستىڭ جاڭا نۇسقاسىنا گرەك ءالفاۆيتىنىڭ ءبىر ارپىمەن («دەلتا» نۇسقا سياقتى) اتاۋ بەرىلۋى مۇمكىن.
جاڭا شتامم «نيۋ» دەپ اتالۋى جوققا شىعارىلمايدى. بەيسەنبى كەشىندە ۇلىبريتانيا بيلىگى افريكانىڭ بىرنەشە مەملەكەتىنەن (وار, نيميبيا, زيمبابۆە, بوستۆانا, لەسوتو جانە ەسۆاتيني) كەلۋشىلەر ءۇشىن مىندەتتى كارانتين ەنگىزدى. بۇل مەملەكەتتەردەن بريتانياعا اۋە رەيستەرىنە ۋاقىتشا تىيىم سالىنعان.
ازىرگە وڭتۇستىك افريكا رەسپۋليكاسىندا, گونكونگ جانە بوستاۆانادا جاڭا نۇسقانى جۇقتىرۋدىڭ 59 وقيعاسى راستالدى. ول العاش رەت پرەتوريا اۋدانىنداعى بىرنەشە ستۋدەنتتەن انىقتالعان.