ەرتەڭ قار, كۇشتى جەل, كوكتايعاق بولادى

25 قاراشادا اۋا اعىندارىنىڭ اسەرىنەن رەسپۋبليكانىڭ باسىم بولىگىندە اۋا رايى قۇبىلمالى بولادى, كۇندىز ەلدىڭ وڭتۇستىك-شىعىسىنداعى تاۋلى اۋماقتاردا جانە شىعىسىندا قاتتى جاۋىن-شاشىن, قار بولادى.

تەك قر باتىسىندا انتيتسيكلون جوتاسىنىڭ اسەرىنەن كۇن اشىق بولۋى ىقتيمال. رەسپۋبليكانىڭ باسىم بولىگىندە كوكتايعاق, بۇرقاسىن, جەلدىڭ كۇشەيۋى كۇتىلەدى. ەلىمىزدىڭ باتىس جارتىسىندا, ورتالىعىندا تۇمان كۇتىلەدى.

كۇندىز تۇركىستان وبلىسىنىڭ سولتۇستىگىندە, باتىسىندا شاڭدى داۋىل تۇرادى, تۇندە تاۋلى اۋدانداردا - جەل 15-20 م/س, كۇندىز – 15-20, تاۋلى اۋدانداردا ەكپىنى 23-28 م/س كۇشەيەدى.

شىعىس قازاقستان وبلىسىنىڭ سولتۇستىگىندە بۇرقاسىن, جولداردا كوكتايعاق, وبلىستىڭ سولتۇستىگىندە, باتىسىندا 15-20, ەكپىنى 25 م/س جەتەدى.

قاراعاندى وبلىسىنىڭ سولتۇستىگىندە, باتىسىندا, شىعىسىندا جاياۋ بۇرقاسىن, كوكتايعاق, وبلىستىڭ وڭتۇستىگىندە تۇمان, شىعىسىندا, ورتالىعىندا جەل 15-20, ەكپىنى 23 م/س كۇشەيەدى.

جامبىل وبلىسىنىڭ سولتۇستىك-شىعىسىندا, وڭتۇستىك-باتىسىندا جانە تاۋلى اۋداندارىندا جەلدىڭ جىلدامدىعى 15-20, كۇندىز ەكپىنى 23-28 م/س بولادى.

پاۆلودار وبلىسىنىڭ سولتۇستىگىندە, شىعىسىندا جاياۋ بۇرقاسىن, كوكتايعاق, وبلىستىڭ وڭتۇستىگىندە, شىعىسىندا جەلدىڭ جىلدامدىعى 15-20 م/س جەتەدى.

قىزىلوردا وبلىسىنىڭ سولتۇستىگىندە, ورتالىعىندا, تۇندە ماڭعىستاۋدىڭ باتىسىندا, كۇندىز اقمولا وبلىسىنىڭ شىعىسىندا, الماتى وبلىسىنىڭ سولتۇستىگىندە, سولتۇستىك-باتىسىندا, باتىس قازاقستان وبلىسىنىڭ سولتۇستىك-باتىسىندا جەل تۇرادى, جىلدامدىعى - 15-20 م/س.

سونداي-اق اقمولا وبلىسىنىڭ وڭتۇستىك-شىعىسىندا جاياۋ بۇرقاسىن بولادى, كوكتايعاق, ماڭعىستاۋ وبلىسىنىڭ سولتۇستىگىندە, سولتۇستىك-باتىسىندا كوكتايعاق, تۇمان, قىزىلوردا وبلىسىنىڭ سولتۇستىگىندە كوكتايعاق كۇتىلەدى.

قوستاناي وبلىسىنىڭ وڭتۇستىگىندە, شىعىسىندا تۇمان, كوكتايعاق.

اقتوبە وبلىسىنىڭ وڭتۇستىگىندە كوكتايعاق بولادى. اتىراۋ وبلىسىنىڭ باتىسىندا تۇمان تۇسەدى.