ۇەۇ وكىلدەرىمەن وتكەن 16 كەزدەسۋ

بۇل – ەلباسى باستاماسىمەن قازاق­ستان­نىڭ العاشقى ازا­ماتتىق فورۋمى وتكىزىلگەن 2003 جىلدان باستاپ ورتا­لىق مەم­لەكەتتىك ورگانداردىڭ ءبىرىنشى باس­شىلارى مەن ازا­ماتتىق قوعام قا­تىسۋشىلارىنىڭ تا­قىرىپتىق كەزدەسۋ­لەرىنىڭ رەكوردتىق سانى.

ۇەۇ-مەن ءوزارا ءىس-قيمىل مەملەكەتتىك ور­گان­­دارعا مەملەكەت باسشىسى قاسىم-جومارت توقاەۆ باستا­ما­­شىلىق ەتكەن «حالىق ۇنىنە قۇ­لاق اساتىن مەملەكەت» تۇجى­رىم­­داماسىن ىسكە اسىرۋدا حا­لىق­­تىڭ وزەكتى ماسەلەلەرىن جەدەل شەشۋگە جانە ارەكەت ەتۋگە مۇم­­كىندىك بەرەدى.

ونلاين-كەزدەسۋلەر اقپا­رات جانە قوعامدىق دامۋ مينيس­ترلىگىنىڭ Facebook الەۋمەت­تىك جەلىسىندەگى ارنايى پاراق­شاسىندا تىكەلەي ەفيردە كور­سەتىلدى. مينيسترلەر, اگەنتتىكتەر تورا­عالارىنىڭ, ۆيتسە-مينيستر­لەردىڭ 16 كەزدەسۋىنىڭ ونلاين-فورماتى قازاقستاننىڭ بارلىق وڭىرىنەن 1000-نان استام ازا­ماتتىق قوعام وكىلىن (ۇەۇ, بيزنەس, باق, كۆازيمەملەكەتتىك سەكتور) تىر­كەۋگە مۇمكىندىك بەردى, ولار وزدەرىن تول­عان­دىراتىن سۇراق­تاردى تىكەلەي قويۋعا مۇم­كىندىك الدى. Facebook-تەگى تىكەلەي ەفيرلەردى قامتۋ شامامەن 4000 قارالىم بولدى.

جالپى, مينيسترلىكتەر مەن اگەنت­تىك­تەردىڭ ءبىرىنشى باسشىلارىمەن كەزدە­سۋلەردىڭ بارىسىندا سىبايلاس جەمقور­لىققا قارسى ءىس-قيمىل, دەنساۋلىق ساقتاۋ, ەكولوگيا, ءبىلىم بەرۋ, ازىق-ت ۇلىك قاۋىپ­سىزدىگى, قىلمىسقا قارسى كۇرەس, تسيفرلى تەحنولوگيالاردى پايدالانۋ جانە ت.ب. سالالاردا مەملەكەت پەن ازاماتتىق قوعامنىڭ ءوزارا ءىس-قيمىلى بويىنشا ماسەلەلەر تالقىلاندى.

مينيسترلەر, اگەنت­تىكتەردىڭ تور­اعالارى بيىل ەن­گىزىلگەن زاڭنامالىق تۇزەتۋلەردىڭ ارقاسىندا ءوز وكىلەتتىكتەرىن كەڭەيتكەن قوعامدىق كەڭەستەر جۇمىسىنىڭ ماڭىزدىلىعىن تانيتىنى ماڭىزدى.

ەستەرىڭىزگە سالا كەتەيىك, X ازاماتتىق فورۋم نۇر-سۇلتاندا 22-24 قاراشادا ونلاين فورماتتا باستالىپ, الماتىدا 25-26 قاراشادا وفلاين فورماتتا جۇمىسىن جالعاستىرادى.

فورۋمنىڭ ءىس-شارالارى دەمو­كرا­تيالىق پروتسەستەردى دامىتۋ, قازاق­ستان­دا بۇۇ-نىڭ ورنىقتى دامۋ ماقسات­تار­ىن ىسكە اسىرۋ ماسەلەلەرىنە, سونداي-اق قو­عامنىڭ, مەملەكەت پەن بيزنەستىڭ ولارعا قول جەتكىزۋدەگى نەگىزگى مىندەتتەرىنە ارنالادى.