«مۇقاعالي» جانە «وڭباعاندار» فيلمدەرىنىڭ الەمدىك تۇساۋكەسەرى 25-ءشى تاللين كينوفەستيۆالىندە وتەدى, دەپ حابارلايدى Egemen.kz.
شاكەن ايمانوۆ اتىنداعى «قازاقفيلم» كينوستۋدياسى ءباسپاسوز قىزمەتىنىڭ مالىمەتىنە سەنسەك, تالليندە وتەتىن «قاراڭعى تۇندەر» كينوفەستيۆالى - شىعىس ەۋروپاداعى ءىرى فەستيۆالدەردىڭ ءبىرى. 1997 جىلدان باستاپ ەستونيانىڭ استاناسى تالليندە وتكىزىلەدى.
فەستيۆال نەگىزگى باعدارلامادان جانە مەديا مەن كينووندىرىسپەن بايلانىستى ءتورت كىشىگىرىم فەستيۆالدەن تۇرادى. بيىل نەگىزگى بايقاۋدا بولات قالىمبەتوۆتىڭ «مۇقاعالي» جانە ءادىلحان ەرجانوۆتىڭ «وڭباعاندار» ءفيلمى قاتىسادى.