ارگەنتينانىڭ پوليتسيا قىزمەتكەرلەرى «بارراكاس سەنترال» كلۋبىنىڭ كامەلەتكە تولماعان فۋتبولشىسى لۋكاس گونسالەستى اتىپ ءولتىردى, دەپ حابارلايدى Egemen.kz.
«وقيعا 17 قاراشادا بۋەنوس-ايرەستە بولعان. جاس فۋتبولشى ءۇش جولداسىمەن بىرگە اۆتوكولىكتە كەلە جاتقان. قۇقىق قورعاۋ ورگاندارىنىڭ قىزمەتكەرلەرى جاسوسپىرىمدەر جۇرگىزىپ كەلە جاتقان كولىككە وق جاۋدىرعان», دەپ حابارلايدى Marca.
ال پوليتسەيلەردىڭ نۇسقاسى بويىنشا جاسوسپىرىمدەر پوليتسيا اۆتوكولىگىن سوعىپ كەتكەن, ارتىنشا پوليتسيا ولاردى توقتاتۋعا تىرىسقان. «بارراكاس سەنترال» فك باسشىلىعى ءادىل جانە ادال تەرگەۋ جۇرگىزۋدى تالاپ ەتتى.
كلۋبتا ءۇش كۇندىك ازا تۇتۋ جاريالانىپ, بارلىق سپورتتىق شارالار توقتاتىلدى.