قازاقستاننىڭ تاۋەلسىزدىگى مەن ەگەمەندىگىنە, ونىڭ شەكاراسى مەن اۋماقتىق تۇتاستىعىنا نۇقسان كەلتىرەتىن ءبىر دە ءبىر كەلىسىمگە جول بەرىلمەيدى. قر پرەزيدەنتى قاسىم-جومارت توقاەۆ سىرتقى ىستەر مينيسترلىگىنىڭ كەڭەيتىلگەن القا ماجىلىسىندە وسىنداي پىكىر ءبىلدىردى, دەپ حابارلايدى Egemen.kz.
ء«تورتىنشى ماسەلە – الەمدەگى الپاۋىت ەلدەرمەن جانە وڭىردەگى ىقپالدى مەملەكەتتەرمەن تەڭ دارەجەلى ءارى ءتيىمدى ىنتىماقتاستىق ورناتۋ. قازىر گەوساياسي تەكەتىرەس بەلەڭ الۋدا. قازاقستان ەشكىممەن جاۋلاسپايدى, حالىقارالىق داۋلارعا كيلىكپەيدى.
ءبىزدىڭ تاڭداعان جول – ايقىن. پراگماتيزمگە نەگىزدەلگەن سالماقتى ءارى ساليقالى ساياساتتان ەش اينىمايمىز. ءبىز ەكىجاقتى جانە كوپجاقتى مىندەتتەمەلەردەن باس تارتپايمىز. داۋلى ماسەلەلەر تۋىنداسا, ۇلتتىق مۇددەمىزگە ساي ۇتىمدى شەشىم تابۋعا ۇمتىلامىز», دەدى مەملەكەت باسشىسى.
سونداي-اق مەملەكەت باسشىسى تاۋەلسىزدىك پەن ەگەمەندىككە, ەلىمىزدىڭ شەكاراسى مەن اۋماقتىق تۇتاستىعىنا نۇقسان كەلتىرەتىن ءبىر دە ءبىر كەلىسىمگە جول بەرىلمەيتىنىن باسا ايتتى.
«ويتكەنى, وسى قاسيەتتى قۇندىلىقتار ءبىز ءۇشىن بارىنەن قىمبات. ءبىز ەڭ الدىمەن, قازاقستاننىڭ مۇددەلەرىن تاباندىلىقپەن قورعاۋىمىز قاجەت», دەدى قاسىم-جومارت توقاەۆ.