ۇزاق ۇزىلىستەن كەيىن «SportFEST Kazakhstan» رەسپۋبليكالىق سپارتاكياداسى جالاۋىن كوتەرەدى, دەپ حابارلايدى Egemen.kz.
7000-نان استام قازاقستاندىق مەكتەپ وقۋشىلارى قاراشا ايىندا باستالىپ, 2022 جىلدىڭ ماۋسىمىنا دەيىن بولاتىن «SportFEST Kazakhstan» ءىىى رەسپۋبليكالىق سپارتاكياداعا قاتىسۋدى ءارى قاراي جالعاستىرادى.
2020 جىلى «SportFEST Kazakhstan» كومانداسى ەلىمىزدىڭ اتىراۋ جانە جامبىل وبلىستارىندا وتكەن بولتىن. ولار ءوز ارالارىندا جەڭىمپازداردى انىقتاپ, فينالدىق ويىنداردى كۇتىپ ءجۇر. الداعى ۋاقىتتا جارىستار رەسپۋبليكا بويىنشا 15 قالادا وتەدى دەپ جوسپارلانۋدا. 23 قاراشادا اقتوبە وبلىسىنىڭ 8-10 سىنىپ وقۋشىلارى «ەڭ سپورتتىق» اتاعىنا تالاسادى. «SportFEST Kazakhstan» سپارتاكياداسىنىڭ ىرىكتەۋ كەزەڭىنە رەسپۋبليكانىڭ 14 وبلىسىنان 210 اۋدان قاتىسۋدا.
ەستەرىڭىزگە سالا كەتەيىك, وليمپيادالىق سپورت تۇرلەرىنىڭ قاتارىندا: شاحمات, ۇستەل تەننيسى, قىزدار اراسىندا باسكەتبول, ۇلدار اراسىندا فۋتزال, اسكەري قولدانبالى سپورت, توعىزقۇمالاق ويىندارى بار.
«SportFEST Kazakhstan» سپارتاكياداسى ەلىمىزدىڭ تەك «جاسىل» ايماقتارىندا 50 ادامنان اسپايتىن توپتاردا وتكىزىلەدى.