ەلوردا مەن الماتى اكىمدىكتەرى جاڭاجىلدىق مەرەكەلەردە قالا قالاي بەزەندىرىلەتىنىن ايتتى, دەپ حابارلايدى Egemen.kz.
الماتى قالاسى اكىمدىگىنىڭ مادەنيەت باسقارماسى قازىرگى ۋاقىتتا جاڭاجىلدىق بەزەندىرۋدىڭ قالالىق تۇجىرىمداماسى پىسىقتالىپ جاتقانىن ايتتى. بيۋدجەت قاراجاتىن ۇنەمدەۋ ءۇشىن اكىمدىك بىلتىر پايدالانىلعان بۇيىمداردى قالپىنا كەلتىرۋدى جوسپارلاپ وتىر.
«بيىل قالا تۇرعىندارى كوپ جينالاتىن جەرگىلىكتى جەرلەردى بەزەندىرۋ جوسپارلانعان. جاڭا جىلعا ارنالعان شىرشالار ورناتۋ جانە مەرەكەلىك بەزەندىرۋ جۇمىستارى 16 جەلتوقسان - قازاقستان رەسپۋبليكاسىنىڭ تاۋەلسىزدىك كۇنىنەن كەيىن جۇرگىزىلەدى», دەدى مادەنيەت باسقارماسى باسشىسىنىڭ ورىنباسارى نايليا مۋليۋكوۆا.
نۇر-سۇلتان اكىمدىگى مالىمەتىنشە, قالا كوشەلەرىن جاڭاجىلدىق بەزەندىرۋ ءۇشىن بىلتىرعى شامداردى, ينستاللياتسيالاردى جانە باسقا دا اشەكەيلەردى پايدالانۋ جوسپارلانعان. ال اۋدانداردا اكىمدىك بالانسىنداعى شىرشالار قويىلادى. قىسقى دەمالىسقا ارنالعان بارلىق قوعامدىق ورىن شاعىن ارحيتەكتۋرالىق فورمالارمەن جانە ينستاللياتسيالارمەن بەزەندىرىلەدى.
«قالانى بەزەندىرۋ ءۇشىن جاڭاجىلدىق شىرشالار, بىلتىرعى ماتەريالدار پايدالانىلادى. اشەكەيلەردىڭ ەلەمەنتتەرى ۇزاق ۋاقىت پايدالانۋعا ارنالماعان قولجەتىمدى ماتەريالداردان جاسالعاندىقتان, جوندەۋ-قالپىنا كەلتىرۋ جۇمىستارىن جۇرگىزگەننەن كەيىن بىلتىرعى اشەكەيلەر مەن شاعىن ارحيتەكتۋرالىق فورمالاردىڭ 50-60 پايىزدان استامىن پايدالانۋ جوسپارلانعان», دەدى اكىمدىك وكىلدەرى.
قالانىڭ ءار اۋدانىندا اكىمدىكتەر اشەكەيلەردى جالپى تۇجىرىمداما بويىنشا جابدىقتايدى.
الماتى اۋدانى: 10 تاقىرىپتىق الاڭدى (ترياتلون ساياباعى, «قازاق ەلى» مونۋمەنتىنىڭ جانىنداعى الاڭ, اقبۇلاق وزەنىنىڭ جاعاسى, وقۋشىلار سارايى, «پرەزيدەنت ساياباعى» (حايۆيلل), «جەرۇيىق ساياباعى»), ونىڭ ىشىندە ءتورت تۇرعىن ۇيدەگى قوعامدىق ورىنداردى, وندا جەتى مۇز سىرعاناعى مەن بەس سىرعاناۋ الاڭىن جابدىقتاۋ جوسپارلانعان. بايقوڭىر اۋدانى: اۋدان اكىمدىگىنىڭ بالانسىنداعى بيىكتىگى 18, 15 جانە 8 مەتر بولاتىن بەس جاڭاجىلدىق شىرشا ورناتىلادى. سارىارقا اۋدانى: جىل سايىن بەكىتىلگەن مەرەكەلىك تۇجىرىمداماعا سايكەس, وسى اۋداندا بەس جەردە قىسقى دەمالىس ورىندارى ۇيىمداستىرىلادى. ەسىل اۋدانى: اۋدان ەكى جىلدان اسا ۋاقىت وتكەندەگى شاعىن ساۋلەت نىساندارى ارقىلى بەزەندىرىلدى.سونداي-اق, اكىمدىك جاڭا جىلدى تويلاۋعا ارنالعان بىرقاتار مادەني شارالاردى, سونىڭ ىشىندە فيلارمونيانىڭ كونتسەرتتەرىن, بالالار جانە ەرەسەكتەر تەاترلارىندا جاڭاجىلدىق قويىلىمداردى دايىنداعان.