الماتى اۋەجايىندا اۆياتسيالىق جانارماي جەتىسپەي جاتىر. بۇل تۋرالى اۋەجايدىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
«اۆياتسيالىق وتىنمەن قامتاماسىز ەتۋدەگى ۇزىلىستەرگە بايلانىستى الماتى حالىقارالىق اۋەجايى جولاۋشىلار رەيسىن جانە كوممەرتسيالىق جۇكتەرى بار رەيستەردى جانار-جاعارمايمەن قامتاماسىز ەتۋ ماقساتىندا تەحنيكالىق جاعدايدا قونعان رەيستەرگە جانارماي قۇيۋدى توقتاتۋ مۇمكىندىگىن قاراستىرۋدا. اۋەجاي قولدان كەلگەننىڭ ءبارىن جاساپ جاتىر», دەلىنگەن حابارلامادا.
بۇعان دەيىن الماتى حالىقارالىق اۋەجايى ۇزدىكسىز جۇمىسىن قامتاماسىز ەتۋ ماقساتىندا تۇراقتى جولاۋشىلار رەيسىنە جانارماي قۇيۋ كولەمىن شەكتەۋ جانە بىررەتتىك چارتەرلىك رەيستەرگە جانارماي قۇيۋدى توقتاتۋ تۋرالى شەشىم قابىلداعان بولاتىن.