الماتىلىق اتقىش يگور دۋجنوۆتىڭ قاماۋعا الۋ مەرزىمى ۇزارتىلدى, دەپ حابارلايدى Egemen.kz.
بۇل تۋرالى الماتى قالالىق سوتىنىڭ ءباسپاسوز قىزمەتى ءمالىم ەتتى.
ءباسپاسوز قىزمەتىنىڭ مالىمەتىنشە, بۇعان دەيىن پروكۋراتۋرا دۋجنوۆتى ۇستاۋ مەرزىمىن 20 جەلتوقسانعا دەيىن ۇزارتۋ تۋرالى ءوتىنىش بىلدىرگەن.
«12 قاراشادا پروكۋراتۋرانىڭ ءوتىنىشى تەرگەۋ سوتىنىڭ قاۋلىسىمەن قاناعاتتاندىرىلدى. يگور دۋجنوۆقا قاتىستى كۇزەتپەن ۇستاۋ مەرزىمىن ءۇش ايعا دەيىن, ياعني 2021 جىلعى 20 جەلتوقسانعا دەيىن ۇزارتۋعا سانكتسيا بەرىلدى», دەپ حابارلادى الماتى قالالىق سوتى.
بۇعان دەيىن سىبايلاس جەمقورلىققا قارسى قىزمەت يگور دۋجنوۆتىڭ بەتى كوگەرگەن دەگەن اقپاراتقا قاتىستى سوتالدى تەرگەۋدى باستاعانىن حابارلاعان. بۇل اقپاراتتى الماتى پروكۋراتۋراسى راستادى.
ايتا كەتەيىك, وقيعا 20 قىركۇيەكتە كەشكە بولعان, شامامەن ساعات 17.20 شاماسىندا اقبۇلاق مولتەكاۋدانىنداعى ءۇي يەسىنىڭ ءبىرى اڭشى مىلتىعىنان وق اتقان. كۋاگەرلەردىڭ ايتۋىنشا, اتىس ءبىر مينۋت ىشىندە بولعان.