قازاقستاندا جالپى سانى 122 جوعارى وقۋ ورنى بار. ونىڭ تەڭ جارتىسى جەكەمەنشىك وقۋ ورىندارى. ءبىلىم بەرۋ ساپاسىن ارتتىرۋ ماقساتىندا مەملەكەتتىك گرانت سانى مەن ستيپەنديا كولەمى ارتادى, دەپ حابارلايدى Egemen.kz.
بۇل تۋرالى ۇكىمەت وتىرىسىندا قر ءبىلىم جانە عىلىم ءمينيسترى اسحات ايماعامبەتوۆ مالىمدەدى.
«2025 جىلى مەكتەپ بىتىرۋشىلەرگە 75 مىڭ گرانت بولىنەدى. سونداي-اق, جوعارى وقۋ ورىندارىنىڭ ستۋدەنتتەرىنە ارنالعان شاكىرتاقى كولەمى ارتادى. اتاپ ايتقاندا باكالاۆر ستۋدەنتتەرىنىڭ شاكىرتاقىسى 2025 جىلى 2 ەسە, ماگيستراتۋرا مەن دوكتارانتۋرادا ءبىلىم الۋشىلاردىڭ ستيپەندياسى 1,5 ەسە وسەدى», دەدى اسحات ايماعامبەتوۆ.