قۇرىلىس قارقىن الدى

وبلىس اكىمىنىڭ ءباسپاسوز قىز­مە­تى­نىڭ مالىمەتىنشە, 2021 جىلدىڭ جوس­پا­رى 1,201 مىڭ شارشى مەتردى قۇ­را­سا, بيىلعى 10 ايدىڭ قو­رى­تىندىسى بو­يىن­شا 954 مىڭ شارشى مەتر تۇر­عىن ءۇي تاپسىرىلعان. سونداي-اق 2020 جىلى «نۇرلى جەر» باعدارلاماسىن دا­مىتۋدىڭ 2020-2025 جىلدارعا ار­نال­عان مەملەكەتتىك باعدارلاماسى اياسىندا جالعا بەرىلەتىن تۇرعىن ءۇي قۇرىلىسىنا جانە ساتىپ الۋعا 2,4 ملرد تەڭگە بولىنگەن. بۇل قاراجات كولەمى 23,5 مىڭ شارشى مەترلىك 305 پاتەرلى تۇرعىن ۇيلەردىڭ قۇرىلىسىنا جانە 67 پاتەر ساتىپ الۋعا جۇم­سالدى.

«نۇرلى جەر» باع­دار­لا­ماسى بو­يىنشا اقتاۋ قالا­سى­نىڭ جاڭا شا­عىن اۋداندارىندا جاڭادان سا­لىن­عان تۇرعىن ۇيلەردى ينجەنەرلىك جەلى­لەرمەن قامتاماسىز ەتۋگە رەسپۋب­لي­كالىق بيۋدجەتتەن بولىنگەن 3,2 ملرد تەڭگە تولىق يگەرىلگەن. ال بيىل «نۇرلى جەر» مەملەكەتتىك باع­­دار­لاماسى اياسىندا 1 407 پا­تەرلىك تۇرعىن ۇيلەردىڭ قۇ­­رىلىسىن اياقتاۋ جوس­پار­لان­­عان.

– قالانىڭ جاڭا شاعىن اۋداندارىندا جەكە قۇرىلىس سالۋشىلاردىڭ قاتىسۋىمەن 100-دەن استام كوپپاتەرلى تۇرعىن ءۇيدىڭ قۇرىلىسى جۇر­گى­زىلۋدە. ولاردىڭ بەلگىلى ءبىر بولىگى وسى جىل­دىڭ سوڭىنا دەيىن پايدالانۋعا بەرىلەدى. ينجەنەرلىك جەلىلەردىڭ قۇ­رىلىسىنا ۇلتتىق قوردان 4,5 ملرد تەڭگە ءبولىندى. ورتالىق مەم­لە­كەتتىك ورگاندار 13 جوبانى ىسكە اسىرۋعا كەلىسىم بەردى. بارلىق جوبا جىل سوڭى­نا دەيىن اياقتالادى دەپ كۇ­تىلۋدە, – دەيدى ماڭعىستاۋ وبلىسى قۇ­رىلىس, ساۋلەت جانە قالا قۇرىلىسى باس­قارماسى باسشىسىنىڭ مىندەتىن اتقا­رۋ­شى اينۇر مانكەشوۆا.

قۇرىلىستىڭ قار­قىن­دى­لى­عى جانە ساۋلەت-سىمباتى ماڭىزدى دەسەك تە, ۇيسىزدەردىڭ باسپانالى بولۋى ال­دىڭعى قاجەتتىلىك. سون­دىق­تان ماڭ­عىس­تاۋ وبلى­سىندا سالىنىپ جات­قان تۇر­عىن ۇيلەر ۇيسىز­دەر­دىڭ ماسە­لەسىن شەشۋگە سەپ بولسا دەيمىز.

ماڭعىستاۋ وبلىسى