قازگيدرومەت سينوپتيكتەرى 16-18 قاراشاعا ارنالعان اۋا رايى بولجامىن جاريالادى, دەپ حابارلايدى Egemen.kz.
بولجام بويىنشا, انتلانتيكالىق تسيكلونمەن جانە اتموسفەرالىق فرونتتاردىڭ وتۋىمەن قازاقستاننىڭ باسىم بولىگىندە جاۋىن-شاشىن (جاڭبىر, قار), سولتۇستىك وبلىستاردا قار, تۇمان, كوكتايعاق, ەكپىندى جاۋىن-شاشىن, بوراندى جەل كۇتىلەدى.
«17-18 قاراشادا وڭتۇستىك, وڭتۇستىك-شىعىس وڭىرلەردە قاتتى جاۋىن-شاشىن كۇتىلەدى, 18 قاراشادا سۋىق سولتۇستىك-باتىس انتيتسيكلوننىڭ ەنۋىمەن رەسپۋبليكانىڭ باتىسىندا جاۋىن-شاشىن توقتايدى. اۋا تەمپەراتۋراسى سولتۇستىك-باتىستا تۇندە 12-17 گرادۋسقا دەيىن اياز, كۇندىز 7-12 گرادۋسقا دەيىن اياز, سولتۇستىكتە, ورتالىقتا تۇندە 13-20 گرادۋسقا دەيىن, كۇندىز 5-15 گرادۋسقا دەيىن اياز بولادى. شىعىستا تۇندە 6-18 گرادۋسقا دەيىن اياز, كۇندىز 1-10 گرادۋسقا دەيىن اياز, وڭتۇستىك وڭىرلەردە تۇندە 5-13 گرادۋسقا دەيىن اياز, كۇندىز 5 گرادۋسقا دەيىن جىلى بولادى», دەلىنگەن حابارلامادا.