جەڭىل سالماقتاعى الەمنىڭ ءابسوليۋتتى چەمپيونى كەتي تەيلور 11 جەلتوقسان كۇنى قازاقستاننان شىققان ايەلدەر اراسىنداعى تۇڭعىش الەم چەمپيونى فيرۋزا شاريپوۆاعا قارسى شايقاستا ءوز بەلبەۋلەرىن قورعايدى, دەپ حابارلايدى Egemen.kz.
ۇلىبريتانيانىڭ ليۆەرپۋل قالاسىندا وتەتىن جەكپە-جەككە قاتىستى كەتي تەيلور مالىمدەمە جاسادى.
«جىلدىڭ اياقتالۋىن اسىعا كۇتەمىن. ويتكەنى جەلتوقسان ايىندا كەزەكتى مارتە وزىمە تيەسىلى الەم چەمپيونى اتاقتارىمدى قورعايتىن بولامىن. كەلەسى جىلى مەنى عاجاپ شايقاستار كۇتىپ تۇرعانىن بىلەمىن. الايدا مەن ازىرگە فيرۋزانى جەڭۋگە تىڭعىلىقتى دايىندالىپ جاتىرمىن», دەدى ول ءوز ويىمەن ءبولىسىپ.
10 راۋندقا جوسپارلانعان كەزدەسۋدە فيرۋزا دا قاراپ قالمايدى دەپ ويلايمىز. تاراز قالاسىنىڭ تۋماسى كاسىبي مانسابىندا ەڭ ۇلكەن كەزدەسۋىن وتكىزەدى. بوكسشى قىز جانكۇيەرلەردىڭ سەنىمىن اقتاۋعا بارىن سالاتىن بولادى.