الەم چەمپيوناتىنىڭ كۇمىس جۇلدەگەرى سەرىك تەمىرجانوۆقا پاۆلوداردان پاتەر بەرىلدى

الەمدىك بىرىنشىلىكتە قازاقستاننىڭ داڭقىن اسىرعان سپورتشىنى پاۆلودار وبلىسىنىڭ اكىمى ابىلقايىر سقاقوۆ قۇتتىقتادى. بوكسشىعا ارناعان سوزىندە ايماق باسشىسى جەرلەسىمىزدىڭ سەربيادا وتكەن الەم چەمپيوناتىنداعى بارلىق جەكپە-جەگىن كورگەنىن اتاپ ءوتتى.

سەنىڭ «كۇمىسىڭ» ۇلتتىق قۇرامانىڭ قورجىنىنا قوماقتى ۇلەس قوستى,  دەدى ابىلقايىر سقاقوۆ.

ايتا كەتۋ كەرەك, بۇل پاۆلودارلىقتاردىڭ بوكستان ەرلەر اراسىنداعى الەم چەمپيوناتتارىندا جەڭىپ العان العاشقى مەدالى. وسى ماراپاتتىڭ ارقاسىندا جەرلەسىمىز پاۆلودارلىقتار اراسىندا ءبىرىنشى بولىپ قازاقستان رەسپۋبليكاسىنىڭ بوكستان ەڭبەك سىڭىرگەن سپورت شەبەرى اتانعانى كوڭىلىمىزدى ودان سايىن كوتەردى. ءدال وسى جوعارى جەتىستىكپەن شىن جۇرەكتەن قۇتتىقتايمىن.

جاتتىقتىرۋشىلارىڭمەن بىرگە جاڭا بەلەستەردى باعىندىرىپ, سونىڭ ىشىندە جازعى وليمپيادادا جەڭىسكە جەتەدى دەپ سەنەمىن.

حالىقارالىق ارەنادا ۇزدىك ونەر كورسەتكەنى ءۇشىن ماراپات رەتىندە سپورتشىعا پاتەر كىلتى تابىستالدى.

بوكسشى بارلىق جەرلەستەرىنە قولداۋ كورسەتكەنى ءۇشىن العىس ايتىپ, الداعى ۋاقىتتا ءىرى جارىستاردىڭ «التىنىن» الۋ ءۇشىن بار كۇشىن جۇمساۋعا ۋادە بەردى. 

«وليمپيادادان كەيىن ءبىز كوپ ەڭبەك ەتتىك جانە الەمدىك تۋرنيردە جاقسى ونەر كورسەتتىك دەپ ويلايمىن. مەن مۇنىمەن توقتاپ قالمايمىن. بولاشاقتا كۇمىس مەدالدى التىنعا اينالدىرعىم كەلەدى. ءبىزدى قولداعان بارلىق جاندارعا العىس ايتامىن», دەدى سەرىك تەمىرجانوۆ.

كەزدەسۋ بارىسىندا سپورتشىنىڭ تالىمگەرى ازامات ماقاجانوۆ تا ءسوز سويلەدى. ول جاتتىقتىرۋشى رولىندە ءوزى رينگتە ونەر كورسەتكەننەن الدەقايدا كوپ تاجىريبە العانىن مويىندادى.

ء«بىز دەر كەزىندە ۇلگەردىك, ويتكەنى ءبىزدىڭ سپورتشىنىڭ الەم چەمپيوناتىنا قاتىسۋ-قاتىسپاۋى ەكىتالاي ەدى. بىراق سەرىك وزىنە ءتان سابىرلىلىقپەن جۇدىرىقتاسىپ, ۇلتتىق قۇراماداعى سپاررينگتەر كەزىندە جاقسى ناتيجە كورسەتتى. سول كەزدە باقتيار ارتاەۆ (بوكستان قازاقستاننىڭ مەملەكەتتىك جاتتىقتىرۋشىسى - ەسك.) تۋرنيرگە دايىندالىڭدار, بىراق سىزدەردەن تەك جەڭىس كۇتەمىز دەگەن. ءبىز بۇل مىندەتتى ورىندادىق», دەدى ازامات ماقاجانوۆ.