بۇرىنعى دەنساۋلىق ساقتاۋ ءمينيسترى ەلجان ءبىرتانوۆتى ۇيقاماقتا ۇستاۋ مەرزىمى تاعى ەكى ايعا ۇزارتىلدى, دەپ حابارلايدى Egemen.kz.
«جوعارىدا اتالعانداردى نازارعا الا وتىرىپ, قازىرگى بۇلتارتپاۋ شارالارىن وزگەرتۋگە نەگىز بولاتىن سەبەپتەردىڭ جوق ەكەنىن ەسكەرىپ, سوت شەشىمگە كەلدى. ە.بىرتانوۆقا قاتىستى ۇيقاماق مەرزىمىن ۇزارتۋ تۋرالى ءوتىنىشى نەگىزدى دەپ ۇيعاردى. وسىلايشا سوت كۇدىكتى ە.ءبىرتانوۆتىڭ ۇيقاماقتا ۇستاۋ مەرزىمىن 2 ايعا دەيىن ۇزارتۋ كەرەك دەپ ەسەپتەيدى. ۇيقاماقتا ۇستاۋ مەرزىمى 2021 جىلدىڭ 14 قاراشاسىنان 2022 جىلدىڭ 14 قاڭتارىنا دەيىن ەسەپتەلەدى», دەدى نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتىنىڭ سۋدياسى اقمارال يساەۆا.
ەسكە سالساق, بىلتىر بۇرىنعى دەنساۋلىق ساقتاۋ ءمينيسترى ەلجان ءبىرتانوۆ قاماۋعا الىنعان بولاتىن. وعان قاتىستى اسا ءىرى كولەمدە بيۋدجەت قاراجاتىن ىسىراپ ەتۋ فاكتىسى بويىنشا قىلمىستىق ءىس تەرگەلىپ جاتىر.