دۇنيەجۇزىلىك دەنساۋلىق ساقتاۋ ۇيىمى مالىمدەگەندەي, 2022 جىلى الەمدە كوروناۆيرۋسقا قارسى ۆاكتسيناتسيالاۋ ءۇشىن قولدانىلاتىن ارنايى مەديتسينالىق شپريتستەردىڭ جەتىسپەۋشىلىگى بولۋى مۇمكىن, دەپ حابارلايدى Egemen.kz.
Lenta.ru تاراتقان اقپارات بويىنشا 2021 جىلى كوروناۆيرۋسقا قارسى 6,8 ميللياردتان استام ۆاكتسينا جاسالدى. بۇل وندىرىلەتىن شپريتستەردىڭ سانىمەن سالىستىرىلادى – جىلىنا التى ميلليارد دانا.
«بۇكىل الەمدەگى وندىرۋشىلەر ءبىر رەت قولدانىلاتىن شپريتستەردىڭ ءوندىرىسىن ۇلعايتۋدىڭ جولىن تابۋى كەرەك. ەگەر قولدانىلاتىن جانە وندىرىلەتىن مەديتسينالىق قۇرالداردىڭ مۇنداي اراقاتىناسىن تۇزەتپەسە, الەم 2022 جىلى ولاردىڭ تاپشىلىعىنا تاپ بولۋى مۇمكىن, ال جەتىسپەۋشىلىك ەكى ميلليارد شپريتسكە جەتۋى مۇمكىن», دەدى ددۇ ءدارى-دارمەكتەر مەن دەنساۋلىق ساقتاۋ ونىمدەرىنە قول جەتكىزۋ جونىندەگى اعا كەڭەسشىسى ليزا حەدمان.
ونىڭ ايتۋىنشا, شپريتستەردىڭ جەتىسپەۋشىلىگى بۇكىل الەمدە بالالاردى ۆاكتسيناتسيالاۋدىڭ كەشىگۋىنە اكەلۋى مۇمكىن, سونىمەن قاتار كەدەي ەلدەردى ينەلەردى قايتا پايدالانباۋعا شاقىرادى, بۇل وتە قاۋىپتى تاجىريبە. شپريتستەردىڭ بولماۋى باسقا اۋرۋلارعا قارسى ادەتتەگى ەگۋلەرگە تەرىس اسەر ەتۋى مۇمكىن.
لوگيستيكا جاعىنان دا بىرقاتار پروبلەمالار تۋىنداۋى مۇمكىن. شپريتستەر تاسىمالداۋ كەزىندە كىدىرىستەرگە كوبىرەك بەيىم, ويتكەنى ولار, ۆاكتسينا كولبالارىنا قاراعاندا ون ەسە كوپ ورىن الادى.