تۇرعىندار مەن الەۋمەتتىك وبەكتىلەر ەلەكتر ەنەرگياسىنان اجىراتىلمايدى. بۇل تۋرالى جامبىل وبلىسىندا وتكەن كوشپەلى كەڭەس بارىسىندا ەنەرگەتيكا ءمينيسترى ماعزۇم مىرزاعاليەۆ بەيىندى كومپانيالار مەن ۇيىمدارعا تاپسىردى, دەپ جازادى Egemen.kz قر ەنەرگەتيكا مينيسترلىگىنىڭ Instagram پاراقشاسىنا سىلتەمە جاساپ.
«ت.ي. باتۋروۆ اتىنداعى جامبىل گرەس-i» اق-نىڭ جۇمىس ءتارتىبى جونىندەگى كەڭەسىنە جامبىل وبلىسى اكىمىنىڭ ورىنباسارى, قر ەم اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ, «قازترانسگاز ايماق» اق-نىڭ, «قازترانسگاز» اق-نىڭ جامبىل وندىرىستىك فيليالىنىڭ, «جامبىل ەلەكتر جەلىلەرى» جشس جانە «جامبىل جارىق ساۋدا 2030» جشس باقىلاۋ كەڭەسىنىڭ باسشىلارى قاتىستى.
سونداي-اق وزەكتى ماسەلەلەردى تالقىلاۋعا ونلاين-رەجيمدە ەلىمىزدىڭ بارلىق وڭىرلەرىنەن ەنەرگيامەن جابدىقتاۋشى جانە ەلەكترجەلىلىك كومپانيالاردىڭ اكتسيونەرلەرى مەن باسشىلارى قاتىستى. قازاقستاننىڭ ءبىرتۇتاس ەلەكتر ەنەرگەتيكالىق جۇيەسىنىڭ (بەج) ەنەرگيا تاپشىلىعى بار وڭتۇستىك ايماعىندا ەلەكتر ەنەرگياسىن تۇتىنۋ اعىمداعى جىلى 12%-عا وسكەنى اتاپ ءوتىلدى.
تۇتىنۋدىڭ وسۋىنە بايلانىستى «KEGOC» اق 500 كۆ ءترانزيتىن سولتۇستىك-وڭتۇستىك باعىتىندا ارتىق جۇكتەمە تۇسەدى, ەلەكتر ەنەرگياسىن گەنەراتسياسى مەن تۇتىنۋدىڭ تەڭگەرىمسىزدىگى پايدا بولادى. ەلەكتر ەنەرگياسىن ءوندىرۋ مۇمكىندىگىنە قاراعاندا تۇتىنۋ ارتىق. وسىعان بايلانىستى جامبىل گرەس-ءنىڭ رەزەرۆتەرى پايدالانۋعا بەرىلەدى. جامبىل گرەس-ءنىڭ باسشىلىعى بۇگىن ەلەكتر ەنەرگياسىن ءوندىرۋدى ارتتىرا وتىرىپ, ءۇشىنشى بلوكتى ىسكە قوسۋعا تەحنيكالىق دايىندىعى تۋرالى باياندادى.
مينيستر بيىلعى جىلدىڭ 30 قازانىندا «جامبىل گرەس» اق-نىڭ ەلەكتر ەنەرگياسىنا شەكتى تاريفتەرى بەكىتىلگەنىن حابارلادى. جۇيەلىك وپەراتور كۇن سايىن ەنەرگيا بەرۋشى جانە ەنەرگيامەن جابدىقتاۋشى ۇيىمداردى قوسا العاندا, ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتىلەرى تاراپىنان ەلەكتر ەنەرگياسىن تۇتىنۋدىڭ تاۋلىكتىك كەستەسىنەن اۋىتقۋلار مەن بۇزۋشىلىقتاردى تىركەيدى.
ء«داستۇرلى تۇردە ەلەكتر ەنەرگياسى مەن قۋاتتىڭ تاپشىلىعى كەشكى ماكسيمالدى تۇتىنۋ ساعاتتارىندا بەلگىلەنەدى. بىراق ايماق تۇرعىندارى مەن اۋرۋحانالار مەن مەكتەپتەر سياقتى الەۋمەتتىك نىساندار ەلەكتر جارىعىنسىز قالماۋى كەرەك. ەنەرگەتيكا مينيسترلىگى مۇنداي شارالارعا ءۇزىلدى-كەسىلدى قارسى», دەدى ماعزۇم مىرزاعاليەۆ.
وسىعان بايلانىستى ەنەرگەتيكا ءمينيسترى «كەگوك» اق-عا, ەنەرگيا بەرۋشى جانە ەنەرگيامەن جابدىقتاۋشى ۇيىمدارعا اتومدىق جانە ەنەرگەتيكالىق قاداعالاۋ مەن باقىلاۋ كوميتەتىمەن (اەقبك) بىرلەسىپ, اپتا سوڭىنا دەيىن تالداۋ جۇرگىزۋدى جانە تۇرمىستىق تۇتىنۋشىلاردى ۇزدىكسىز ەلەكترمەن جابدىقتاۋدى قامتاماسىز ەتۋ بويىنشا بارلىق قاجەتتى شارالاردى قابىلداۋدى تاپسىردى.
سونىمەن قاتار, مينيستر جامبىل گرەس-ءنىڭ 4 جانە 5-ءشى بلوگىن قالپىنا كەلتىرۋگە كىرىسۋ مىندەتىن قويدى, بۇل بولاشاقتا ەلەكتر ەنەرگياسىن ءوندىرۋدى ۇلعايتۋعا مۇمكىندىك بەرەر ەدى. كەڭەس قورىتىندىسى بويىنشا ۆەدومستۆو باسشىسى «KEGOC» اق-عا تاۋلىك سايىن تۇتىنۋشىلار جانە ولاردىڭ اراسىندا بولىنگەن ەلەكتر ەنەرگياسىنىڭ كولەمى تۋرالى اقپارات بەرۋدى تاپسىردى.
ەنەرگيا بەرۋشى كومپانيالارعا ەنەرگيانى اسىرا تۇتىنۋ فاكتىلەرى بويىنشا, ونىڭ ىشىندە «سۇر» ماينەرلەردى انىقتاۋ بويىنشا ءتيىستى جۇمىس جۇرگىزۋ تاپسىرىلدى.