ازيا ۆولەيبول كونفەدەراتسياسى قازاقستاندا قىسقى ۆولەيبولدان العاشقى ازيا چەمپيوناتىن وتكىزۋدى ۇسىندى, دەپ حابارلايدى Egemen.kz Olympic.kz-كە سىلتەمە جاساپ.
بۇل ءتۋرنيردىڭ ازيالىق نۇسقاسى 2022 جىلدىڭ اقپان ايىنىڭ سوڭىنا جوسپارلانعان. قىسقى ۆولەيبول جارىستارىن وسكەمەن نەمەسە نۇر-سۇلتاندا وتكىزۋ قاراستىرىلادى.
قازاقستان قۇراماسىنىڭ اتالعان سپورت ءتۇرى بويىنشا جارىستارعا قاتىسۋ تاجىريبەسى بار. 2018 جىلدىڭ جەلتوقسان ايىندا ماسكەۋدە ەلىمىزدىڭ ايەلدەر كومانداسى قارداعى ۆولەيبولدان ەۋروتۋردىڭ ۇزدىك بەستىگىنە كىردى.
«حالىقارالىق ۆولەيبول فەدەراتسياسى ءوزىنىڭ تالاپتىلىعىن جاسىرماي, قىسقى جانە جازعى وليمپيادا ويىندارىندا ۇسىنىلاتىن الەمدەگى العاشقى فەدەراتسيا بولۋعا ۇمتىلادى», دەيدى قازاقستان ۆولەيبول فەدەراتسياسىنىڭ باس حاتشىسى ەرمەك سىرلىباەۆ.
وڭتۇستىك كورەيادا قىسقى وليمپيادادا ۆولەيبولدىڭ بولاشاق وليمپيادالىق سپورت ءتۇرى رەتىندە تۇساۋكەسەرى ءوتتى. قازىر بۇل سپورت ەۋروپا ەلدەرىندە وتە تانىمال.