اۋعانستاننىڭ ورتالىق پروۆينتسياسى ۋرۋزگاندا سنارياد جارىلىپ, سالدارىنان ءۇش بالا قازا تاۋىپ, تاعى بەسەۋى جارالاندى, دەپ حابارلايدى Egemen.kz.
بۇل تۋرالى ريا نوۆوستي ءمالىم ەتتى.
Pajhwok اگەنتتىگى مالىمەتىنشە, قازا بولعان جانە جارالانعان بالالار ءبىر وتباسىنان. وقيعا تۋرالى باسقا مالىمەت جاريالانباعان.
بۇعان دەيىن, 15 قازاندا قالا ورتالىعىنداعى «يمام بارگاح» مەشىتىندە ءدىندارلار كوپ جينالاتىن جۇما نامازى كەزىندە جارىلىس بولعانى حابارلانعان ەدى. تەراكت سالدارىنان 63 ادام قازا تاپتى.8 قازاندا اۋعانستانداعى مەشىتتە جانكەشتى شابۋىل جاساپ, 100-دەن اسا ادام قازا تاپتى. قازا بولعاندار مەن زارداپ شەككەندەردىڭ ءبارى مەشىتكە كەلۋشىلەر. لاڭكەستەر كوپ ادام جينالاتىن كۇندى ادەيى تاڭداعان.