تسيفرلىق دامۋ, يننوۆاتسيالار جانە اەروعارىش مينيسترلىگى Astana Hub تەحنوپاركىمەن بىرگە قازاق ءتىلىن دامىتۋعا باعىتتالعان IT-ستارتاپتاردىڭ Qaz Startup Battle سايىسىن وتكىزدى, دەپ حابارلايدى Egemen.kz.
ءباسپاسوز قىزمەتىنىڭ مالىمەتتەرىنە قاراعاندا, QAZFORUM قازاق تىلىندە ونلاين كونتەنت جاساۋشىلاردىڭ V فورۋمى اياسىندا وتكەن باتتلدىڭ جەڭىمپازدارى 3,5 ملن تەڭگە اقشالاي گرانتقا يە بولدى. Qaz Startup Battle سايىسىنا قاتىسقان 13 جاس ءىت-كومپانيا ءوز ونىمدەرىن مينيستر باعدات مۋسين توراعالىق ەتكەن قازىلار القاسىنىڭ نازارىنا ۇسىندى.
سونىڭ ىشىندە قازاق تىلىندەگى جازباشا ءماتىندى تانۋ باعدارلاماسى, قازاقشا ونلاين-كۋرستار پلاتفورماسى, شەتەلدىك شىعارمالاردىڭ قازاقشا اۋديونۇسقاسىنىڭ قوسىمشاسى, قازاقستاندىق اۆتورلاردىڭ اۋديوكىتاپتار موبيلدىك قوسىمشاسى, قازاقتىلدى اۋديتورياعا اعىلشىنشا ۇيرەتۋ سەرۆيسى جانە ت.ب. ستارتاپتار بار.
تەحنولوگيالىق ستارتاپتار اراسىنان ۇزدىك شىققان جەڭىمپازدارعا - Qlang ماركەتپلەيس جانە ونلاين-پلاتفورماسىنا 2 ملن تەڭگە, Joo.kz ابيتۋريەنتتەرگە ارنالعان سەرۆيسكە 1 ملن تەڭگە, On Moms جۇكتى ايەلدەرگە ارنالعان ءموبيلدى قوسىمشا ستارتاپىنا 500 مىڭ تەڭگە اقشالاي گرانت تابىستالدى.
«قازاق ءتىلى – تەحنولوگيانىڭ ءتىلى ەمەس» دەگەن ستەرەوتيپتى جويۋمىز كەرەك. وتكەن اپتادا ءبىز Digital Bridge اياسىندا جالپى قازاقستاندىق ستارتاپتار اراسىندا Astana Hub Battle ۇيىمداستىرعان بولاتىنبىز. ال بۇگىن قازاق ءتىلىن دامىتۋعا باعىتتالعان ستارتاپتاردى ماراپاتتادىق. مۇنداي باستامالاردى قولداۋ اسا ماڭىزدى», دەدى باعدات مۋسين.