رەسپۋبليكامىزدىڭ جەكەلەگەن ايماقتارىندا جولدار جابىلدى

بۇگىن, 21 اقپان كۇنى ەلىمىزدىڭ بارلىق وڭىرلەرىندە اۋا رايىنىڭ تۇراقسىزدىعى ساقتالادى. بۇل تۋرالى «استانا» تەلەارناسى حابارلادى. جەل,اق تۇتەك بوران جانە كوكتايعاق بولادى دەپ كۇتىلۋدە. ال بۇل مۇنىڭ سالدارىنان جول قاتىناسى قيىنداي تۇسەدى. كەشە تۇندە قۇتقارۋشىلار 105 كولىك پەن 135 ادامدى قاۋىپسىز جەرگە كوشىرگەن ەكەن. ءبىر عانا اقتوبە وبلىسىنىڭ «اقتوبە-استراحان» تاس جولىندا 60 كولىك, ونىڭ ىشىندە ءبىر اۆتوبۋس جولدا قالىپ قويعان. وسىعان وراي, اتالعان وڭىردەگى كولىك قوزعالىسىنا شەكتەۋ قويىلدى. سونداي-اق, الماتى وبلىسىنداعى «سارىوزەك-كوكتال» تاس جولىنىڭ 40-95 شاقىرىمى جابىلدى. «الماتى-وسكەمەن» تاس جولىندا اۋىر جۇك ماشينالارىنا جۇرۋگە تىيىم سالىندى. اتالعان جولداردىڭ جابۋىلىنا بايلانىستى, توتەنشە جاعدايلار دەپارتامەنتىنىڭ قىزمەتكەرلەرى رەسپۋبليكا تۇرعىندارىنا ساقتىق شارالارىنا مۇقيات بولۋ كەرەكتىگىن ەسكەرتەدى. ءامىرحان الماعانبەتوۆ. دەرەككوز: «استانا» تەلەارناسى. فوتو: Inform.kz.