اۋەسقوي بوكستان سەربيا استاناسى بەلگراد قالاسىندا وتكەن الەم چەمپيوناتى مارەسىنە جەتتى. بايراقتى باسەكەدە جالپىكوماندالىق ەسەپتە كۋبا قۇراماسى توپ جارسا, قازاقستان ەكىنشى ورىنعا تۇراقتادى, دەپ حابارلايدى Egemen.kz.
بۇل دوداعا الەمنىڭ جۇزدەن استام مەملەكەتىنەن شامامەن 650 بوكسشى قاتىستى. ۇلتتىق قۇرامالاردىڭ قامتىلۋى جانە بوكسشىلاردىڭ سانى جاعىنان سەربيادا ۇيىمداستىرىلعان جاھاندىق دودا بۇعان دەيىنگى الەم چەمپيوناتتارىن قوسا ەسەپتەگەندە ەكىنشى كورسەتكىش. الەم چەمپيوناتىندا قازاقستان قۇراماسى 2 التىن, 2 كۇمىس, 1 قولا جۇلدە يەلەنگەنىن ايتا كەتكەن ءجون.
الەم چەمپيوناتى اياقتالعاننان كەيىن AIBA ۇلتتىق قۇرامالاردىڭ رەيتينگىن جاريالادى. شاماسى شيرەك فينالعا دەيىن 10 بوكسشىمىزدىڭ جەتكەنى ەسكەرىلگەن بولۋى كەرەك, بۇل رەيتينگتە قازاقستان قۇراماسى توپ باستادى.