اتىراۋدا ن.تىلەنديەۆ اتىنداعى كىشى ونەر اكادەمياسى وقۋشىلاردى ونەردىڭ سان سالاسىنا باۋليدى. مۇندا وقۋشىلار سۋرەت سالۋعا ماشىقتانادى. ءان ايتۋدىڭ قىر-سىرىن مەڭگەرەدى.
اكادەميادا 25 جىل بۇرىن «ايجان قىز» بي ءانسامبلى قۇرىلعان. حورەوگراف ايجان ارتىعاليەۆا جەتەكشىلىك ەتەتىن انسامبل مۇشەلەرى مىڭ بۇرالا بي بيلەيدى. جاس بيشىلەرگە حورەوگراف ساۋلە جاسكەلەنوۆا بي تۇرلەرىن ۇيرەتەدى.
– ءانسامبلدىڭ جاس بيشىلەرى 31 قازان مەن 6 قاراشا ارالىعىندا تۇركيانىڭ انتاليا قالاسىندا وتكەن حالىقارالىق Dance Format كونكۋرسىنا قاتىستى. جاس بيشىلەرىمىز اتالعان كونكۋرستىڭ ەكى اتالىمىندا باس جۇلدەنى جەڭىپ الدى, – دەيدى اكادەميا ديرەكتورى دولورەس تاسقارينا.
ونىڭ ايتۋىنشا, انسامبل مۇشەلەرى كونكۋرس كەزىندە تۇركيا مەن رەسەيدىڭ تانىمال بيشىلەرى وتكىزگەن شەبەرلىك ساباقتارىنان ءدارىس العان. سونداي-اق انتالياداعى بي مەكتەپتەرىندە تاقىرىپتىق تاجىريبە الماسۋعا, بي باتتلىنا قاتىسقان.
اتىراۋ وبلىسى