مادەنيەت جانە سپورت ءمينيسترى اقتوتى رايىمقۇلوۆا بەلگرادتا شارشى الاڭدا توپ جارىپ, ۇزدىك ناتيجە كورسەتكەن بوكسشىلارىمىز تەمىرتاس ءجۇسىپوۆ پەن ماحمۇد سابىرحاندى جەڭىسىمەن قۇتتىقتادى, دەپ جازادى Egemen.kz.
ارنايى قۇتتىقتاۋىن مينيستر ءوزىنىڭ facebook-پاراقشاسىندا جاريالادى.
«قۇرمەتتى تەمىرتاس بەرىك ۇلى!سىزدى بوكستان بەلگرادتاعى XXI الەم چەمپيوناتىندا جەڭىسكە جەتۋىڭىزبەن شىن جۇرەكتەن قۇتتىقتايمىن!سىز الەمنىڭ مىقتىلارى باس قوسقان ءدۇبىرلى دودادا وزگەشە تەحنيكالىق شەبەرلىگىمەن, تاكتيكالىق ساۋاتتىلىعىمەن, جەڭىسكە دەگەن مۇقالماس ەرىك-جىگەرىمەن ءوز سالماعىندا توپ جارعان دارىندى بىلعارى قولعاپ شەبەرىسىز. سەربيا تورىندەگى تارتىستى, شيەلەنىسكە تولى بارلىق جەكپە-جەكتى ءوز پايداڭىزعا اياقتاپ, تاريحى تەرەڭ, وزىندىك ءداستۇرى قالىپتاسقان قازاق بوكس مەكتەبى – جەر ءجۇزى مويىنداعان مىقتىلار ورداسى ەكەنىن تاعى ءبىر مəرتە پاش ەتتىڭىز.ءسىزدىڭ بۇگىنگى جەتىستىگىڭىز بايتاق وتانىمىزدىڭ تۇكپىر-تۇكپىرىندەگى ورەندەردىڭ سپورتقا, ونىڭ ىشىندە بوكس ونەرىنە دەگەن قۇشتارلىعىن ارتتىرا بەرۋىنە تىلەكتەسپىن.الداعى ۋاقىتتا دا شارشى الاڭ تورىندە ىسىلعان سپورتشى رەتىندە تالاي سىندا تۇعىرلى كوك بايراعىمىزدى بيىكتە جەلبىرەتىپ, ايبارلى əنۇرانىمىزدى شىرقاتا بەرىڭىز. لايىم وسى جولدا ەڭبەگىڭىز بەرەكەلى بولىپ, قاجىر-قايراتىڭىز ارتا بەرسىن», دەيدى رايىمقۇلوۆا.
سونداي-اق مينيستر ماحمۇد سابىرحانعا دا ىزگى تىلەگىن جولدادى.
«قۇرمەتتى ماحمۇد ءسابىرحان!سىزدى بوكستان سەربيادا وتكەن XXI الەم چەمپيوناتىنىڭ كۇمىس جۇلدەگەرى اتانۋىڭىزبەن شىن جۇرەكتەن قۇتتىقتايمىن!سىز بەلگرادتاعى باسەكەدە اقىل-ويدىڭ, قاجىر-قايراتتىڭ جارقىن ۇلگىسىن كورسەتكەن شەبەر بوكسشىسىز. اقتىق سىندا بار كۇشىڭىزدى سالىپ, قارسىلاسپەن تەڭ دارەجەدە جۇدىرىقتاستىڭىز.لايىم رينگتەگى ەپتى قيمىل-قوزعالىسىڭىزبەن, وجەتتىلىگىڭىزبەن كوزگە ءتۇسىپ, قالىڭ جانككۇيەردى قۋانتا بەرۋىڭىزگە تىلەكتەسپىن. الداعى ۋاقىتتا دا تالاي سىندا تۇعىرلى كوك بايراعىمىزدى بيىكتە جەلبىرەتىپ, ايبارلى əنۇرانىمىزدى شىرقاتا بەرىڭىز. لايىم وسى جولدا ەڭبەگىڭىز بەرەكەلى بولىپ, قاجىر-قايراتىڭىز ارتا بەرسىن», دەيدى مادەنيەت جانە سپورت ءمينيسترى.