جاستار رەسۋرستىق ورتالىقتارى القاسىنىڭ ءبىرىنشى وتىرىسى بارىسىندا اعىمداعى جىلى ەلىمىزدىڭ بارلىق جرو جۇمىسىنىڭ الدىن الا قورىتىندىلارى شىعارىلىپ, 2022 جىلعا ارنالعان جوسپار ايقىندالدى, دەپ حابارلايدى Egemen.kz
باعدارلامانىڭ ماڭىزدى بولىگى «ۇلتتىق رۋحاني جاڭعىرۋ» ۇلتتىق جوباسىنىڭ تانىستىرىلىمى, سونداي-اق NEET ساناتىنداعى جاستاردى ەسەپتەۋ جانە انىقتاۋ الگوريتمى بولدى.
اقپارات جانە قوعامدىق دامۋ ۆيتسە-ءمينيسترى اسقار ۋماروۆ موو جۇمىس ىستەۋىنىڭ نەگىزگى پروبلەمالىق ماسەلەلەرىن اتاپ ءوتىپ, ولاردىڭ قىزمەتىنىڭ تيىمدىلىگىن ارتتىرۋ بويىنشا بىرقاتار ناقتى مىندەتتەر قويدى.
«جرو-نىڭ نەگىزگى مىندەتى جاستارمەن, اسىرەسە ونىڭ وسال توپتارىمەن تىكەلەي, جۇيەلى جانە اتاۋلى جۇمىس بولۋى ءتيىس. ول ءۇشىن جاستاردىڭ قاجەتتىلىكتەرى مەن مۇددەلەرىنە نەگىزدەلگەن ءارتۇرلى ادىستەردى قولدانۋ قاجەت: بەيرەسمي ءبىلىم بەرۋ, كونسۋلتاتسيالىق قولداۋ, جاستار ماسەلەلەرىن شەشۋگە باعىتتالعان جوبالار, جۇمىسقا ورنالاسۋعا كومەكتەسۋ جانە وزگە ماسەلەلەر», دەدى ول.
جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ جاستاردى قولداۋعا باعىتتالعان «ۇلتتىق رۋحاني جاڭعىرۋ» ۇلتتىق جوباسىنىڭ «تاۋەلسىزدىك ۇرپاقتارى» باعىتى تۋرالى ايتىپ بەردى. ول تۇرعىن ءۇي ساتىپ الۋ, جاستاردى جاڭا ستارتاپ-جوبالارمەن, جاستاردىڭ الەۋمەتتىك قىزمەتتەرىمەن, «Eljastary» ينفوناۆيگاتورىمەن قامتۋ, جاستار ۇيىمدارىنىڭ جوبالارىنا گرانتتاردى قارجىلاندىرۋدى ۇلعايتۋ جانە ەرىكتىلەر قوزعالىسىن دامىتۋ, «جاسىل ەل» جوباسى شەڭبەرىندە جىل سايىن 30 مىڭ جاس ادامدى, ونىڭ ىشىندە 10 مىڭ جاستى اۋىلدىق جەردە جۇمىسقا ورنالاستىرۋ بويىنشا جاڭا مۇمكىندىكتەر تۋرالى حاباردار ەتتى.
«جاستار» عىلىمي-زەرتتەۋ ورتالىعىنىڭ ديرەكتورى ايان ساكوشەۆ قازاقستانداعى NEET جاستارىنىڭ سانىن ەسەپتەۋ مەن انىقتاۋدىڭ جاڭا الگوريتمىن تانىستىردى.
ء«تيىمدى جانە ناقتى جۇمىس ىستەۋ ءۇشىن NEET جاستارىنىڭ وڭىرلىك ەلەكتروندىق دەرەكتەر بازاسىن قالىپتاستىرۋ قاجەت. قازىرگى ۋاقىتتا جاستارمەن جۇمىس بويىنشا موو ۇزدىك تاجىريبەلەرىنىڭ جيناعى ازىرلەندى, ول موو قىزمەتىنىڭ ساپاسىن ارتتىرۋعا ىقپال ەتەدى» دەپ اتاپ ءوتتى.
القا وتىرىسىندا قر پارلامەنتى ءماجىلىسىنىڭ دەپۋتاتى ءمادي احمەتوۆ, ورتالىق مەملەكەتتىك جانە جەرگىلىكتى اتقارۋشى ورگانداردىڭ وكىلدەرى, جاستار ۇيىمدارى مەن ۇەۇ قىزمەتكەرلەرى تاقىرىپ توڭىرەگىندە ءوز پىكىرلەرى مەن ۇسىنىستارىن ءبىلدىردى.
ءىس-شارا قورىتىندىسى بويىنشا وڭىرلىك موو قىزمەتكەرلەرى مەملەكەتتىك جاستار ساياساتى ماسەلەلەرى بويىنشا پىكىر الماسىپ, قويىلعان مىندەتتەردى تالقىلادى.
ءىس-شارا سانيتارلىق-ەپيدەميولوگيالىق نورمالاردى ساقتاي وتىرىپ, ونلاين جانە وفلاين رەجيمىندە ءوتتى.