بيىل جىل باسىنان بەرى قوس ازاماتتىعى ءۇشىن 80-نەن استام ازامات اكىمشىلىك جاۋاپكەرشىلىككە تارتىلدى. وسىنداي فاكتىلەردىڭ ءبىرىن 2 قاراشادا بەسقاراعاي پب كوشى-قون قىزمەتىنىڭ قىزمەتكەرلەرى انىقتادى, دەپ جازادى Egemen.kz.
«24 جاستاعى قىز 2021 جىلدىڭ مامىر ايىندا تومسك قالاسىندا رەسەي فەدەراتسياسىنىڭ ازاماتتىعىن العان, الايدا وسى ۋاقىتقا دەيىن بۇل فاكت تۋرالى قازاقستان رەسپۋبليكاسىنىڭ ىشكى ىستەر ورگاندارىنا نەمەسە قازاقستان رەسپۋبليكاسىنىڭ شەت ەلدەردەگى مەكەمەلەرىن حاباردار ەتپەي, سونداي-اق قر ازاماتىنىڭ پاسپورتى مەن جەكە كۋالىگىن تاپسىرماعان. وسىلايشا, قازاقستان زاڭناماسىن بۇزعانى ءۇشىن قر اقبتك-ءنىڭ 496-بابى بويىنشا اكىمشىلىك جاۋاپكەرشىلىككە تارتىلىپ, سوت شەشىمى بويىنشا 200 اەك ايىپپۇل تۇرىندەگى اكىمشىلىك جاۋاپكەرشىلىككە تارتىلدى», دەدى شقو پد باستىعى ساعات ماديەۆ.
شەتەلدىكتەن قر ازاماتىنىڭ جەكە كۋالىگى مەن پاسپورتى الىنىپ, قازاقستان رەسپۋبليكاسىنىڭ ازاماتتىعىنان ايىرۋ تىركەلدى.
كوشى-قون قىزمەتى قازاقستان رەسپۋبليكاسىنىڭ كونستيتۋتسياسىنا سايكەس ەلدە قوس ازاماتتىققا جول بەرىلمەيتىنىن جانە كوشى-قون زاڭناماسىن ساقتاۋدى سۇرايتىنىن ەسكە سالادى.