قازاقستان پرەزيدەنتى كورنەكتى مەملەكەت جانە قوعام قايراتكەرى تەمىرحان دوسمۇحامبەتوۆتىڭ وتباسىنا كوڭىل ايتۋ جەدەلحاتىن جولدادى, دەپ جازادى Egemen.kz.
«تۋريزم جانە سپورت ءمينيسترى, پرەزيدەنتتىڭ ءىس باسقارماسىنىڭ باسقارۋشىسى, ەلوردا اكىمى لاۋازىمدارىن ابىرويمەن اتقارىپ, ىسكەرلىك قابىلەتىن تانىتا ءبىلدى. ءاردايىم وزىنە جۇكتەلگەن ماڭىزدى مىندەتتەردى ۇلكەن جاۋاپكەرشىلىكپەن ورىندادى. سونداي-اق ۇلتتىق وليمپيادا كوميتەتىنىڭ جەتەكشىسى رەتىندە وتاندىق سپورت سالاسىنىڭ وركەندەۋىنە سىڭىرگەن ەڭبەگى وتە مول. سوڭعى جىلدارى كاسىپكەرلىكتى جاڭا دەڭگەيگە كوتەرۋگە اتسالىسىپ, اۋىل شارۋاشىلىعىن عىلىمي تۇرعىدا دامىتۋعا زور ۇلەس قوستى. ارىپتەستەرى مەن زامانداستارىنىڭ ورتاسىندا سىيلى بولدى. تەمىرحان مىڭايدار ۇلىنىڭ جارقىن بەينەسى حالقىمىزدىڭ جادىندا ماڭگى ساقتالادى. مارقۇمنىڭ جانى ءجانناتتا, يمانى سالامات بولسىن», دەپ جازىلعان مەملەكەت باسشىسىنىڭ جەدەلحاتىندا.