اقتوبە وبلىسى 29 قازاننان باستاپ «جاسىل» ايماقتان «سارى» ايماققا كوشتى. وڭىردەگى ەپيداحۋال جايلى بۇگىن قر ۇقك-دە وتكەن بريفينگتە سانيتارلىق-ەپيدەميولوگيالىق باقىلاۋ دەپارتامەنتى مەن دەنساۋلىق ساقتاۋ باسقارماسىنىڭ وكىلدەرى ءسوز قوزعادى, دەپ حابارلايدى Egemen.kz.
سانەپيدباقىلاۋ دەپارتامەنتى باسشىسىنىڭ ورىنباسارى مۇحتار سەرباەۆتىڭ ايتۋىنشا, 31 قازاندا وڭىردە كوروناۆيرۋس جۇقتىرۋدىڭ 37 جاڭا جاعدايى تىركەلگەن, ونىڭ ىشىندە اۋرۋ بەلگىلەرى بار - 36, سيمپتومسىز - 1. بارلىعى 34 375 جۇقتىرۋ جاعدايى تىركەلدى, ونىڭ ىشىندە 26241 - اۋرۋ بەلگىلەرى بار (76,3%) جانە 8134 اسيمپتوماتيكالىق (23,6%). 33476 (97,3%) ناۋقاس جازىلىپ شىقتى. سىرقاتتانۋشىلىقتىڭ تاۋلىكتىك ءوسىمى 0,1% قۇرادى.
1 قىركۇيەكتەگى جاعداي بويىنشا 18 جاسقا دەيىنگى بالالار اراسىندا 1388 كۆي جاعدايى انىقتالدى, ونىڭ ىشىندە 963-ءى مەكتەپ وقۋشىلارى اراسىندا. بارلىعى 170 ينفەكتسيا وشاعى - 49 ءۇي وشاعى, 40-تان استام ۇيىمداسقان ۇجىمداردا, 9-ى مەديتسينالىق ۇيىمداردا تىركەلگەن. الايدا, ەگەر وبلىس «سارى» ايماققا وتكەننەن كەيىن 5 كۇن ىشىندە ەپيدەميولوگيالىق جاعدايدىڭ ناشارلاۋى ورىن السا, وندا كارانتين رەجيمى كۇشەيتىلەدى. بۇرىن كارانتين رەجيمى السىرەپ, كوپتەگەن مەكەمەلەر «Ashyq» قوسىمشاسىمەن جۇمىس ىستەۋگە رۇقسات الدى.
«اقتوبە وبلىسىنىڭ اۋماعى 29 قازاننان باستاپ «سارى» ايماقتا ورنالاسقان. ەلىمىزدىڭ باس سانيتارلىق دارىگەرىنىڭ قولدانىستاعى قاۋلىسىنا سايكەس, ءبىز جاعدايدى قاداعالايمىز, ەگەر ناشارلاۋ بولسا, وندا كارانتيندىك شارالاردى قاتاڭداتۋ تۋرالى قاۋلى قابىلدايمىز», دەدى م.سەرباەۆ.