وتكەن اپتادا ەلىمىزدە 3124 قىلمىس جاسالدى, ونىڭ 2 مىڭنان استامى ءىزىن سۋىتپاي اشىلعان. بۇل تۋرالى قر ىشكى ىستەر مينيسترلىگىنىڭ رەسمي وكىلى ءنۇردىلدا وراز ايتتى, دەپ حابارلايدى Egemen.kz.
ء«بىر اپتا ىشىندە 3124 قىلمىس جاسالدى, ونىڭ اراسىندا 2104 ءىس ءبىر تاۋلىك ىشىندە اشىلدى. پوليتسيا قىزمەتكەرلەرى ءىزىن سۋىتپاي كىسى ولتىرۋگە قاتىستى – 9, ولىمگە اكەپ سوققان دەنساۋلىققا قاساقانا اۋىر زيان كەلتىرۋگە قاتىستى – 5, قاراقشىلىق – 5, توناۋ – 47 جانە بوتەن م ۇلىكتى ۇرلاۋعا قاتىستى 454 قىلمىستى اشتى», دەدى ءنۇردىلدا وراز ىشكى ىستەر مينيسترلىگى ۇيىمداستىراتىن اپتالىق بريفينگىدە.
بۇعان دەيىن رەسمي وكىل قازاقستانداعى ەڭ ءىرى قارجى پيراميداسى QUESTRA WORLD-قا قاتىستى ءىس سوتقا جىبەرىلگەنىن حابارلاعان ەدى.
تەرگەۋ بارىسىندا 2016 جىلدىڭ ناۋرىزىنان 2017 جىلدىڭ ماۋسىمىنا دەيىن يسپانيا, كابو-ۆەردە جانە رەسەي ازاماتتارى قازاقستان اۋماعىندا QUESTRA WORLD قارجى پيراميداسىن قۇرىپ, ونى قازاقستاندىقتار دا تارتىلعان ترانسۇلتتىق ۇيىمداسقان توپ قۇرامىندا باسقارعانى انىقتالعان.