قاراشادا اۋا رايى قانداي بولادى

«قاراشا - كۇزدەن قىسقا بىرتىندەپ اۋىسۋ كەزەڭى.

ءبىرىنشى ونكۇندىكتىڭ باسىندا قازاقستاننىڭ سولتۇستىگىندە, شىعىسىندا جانە ورتالىعىندا, 3 قاراشادان باستاپ ەلىمىزدىڭ وڭتۇستىك وڭىرلەرىندە, ونكۇندىكتىڭ سوڭىندا رەسپۋبليكانىڭ سولتۇستىك-باتىس جارتىسىندا اتموسفەرالىق اۋا اعىندارىنىڭ وتۋىنە بايلانىستى جاڭبىر مەن قار جاۋادى, تۇمان, كوكتايعاق, جەلدىڭ كۇشەيىپ, كەي جەرلەردە بۇرقاسىن بولادى.

3-4 قاراشادا رەسپۋبليكانىڭ باسىم بولىگى كارسك تەڭىزى اۋداندارىنان ىعىساتىن سۋىق انتيتسيكلوننىڭ ىقپالىندا بولادى, اۋا تەمپەراتۋراسىنىڭ تومەندەۋى سالدارىنان اياز ءتۇسۋى مۇمكىن (باتىس ايماقتاردى قوسپاعاندا): - قازاقستاننىڭ باتىسىندا تۇندە 0,+8°س-تان -5+2°س-قا دەيىن, كۇندىز +10+18°س-تان 0,+10°س-قا دەيىن; - ەلدىڭ سولتۇستىك-باتىس جارتىسىندا, ورتالىعىندا جانە شىعىسىندا تۇندە -5+5°س-تان -5-15°س-قا دەيىن, قيىر شىعىستا -20°س-قا دەيىن, كۇندىز +2+8°س-تان -3-10°س-قا دەيىن; - قر وڭتۇستىگىندە جانە وڭتۇستىك-شىعىسىندا تۇندە -3+5°س-تان -1-13°س-قا دەيىن, كۇندىز +10+16°س-تان -5+3°س-قا دەيىن. بىراق كەزەڭنىڭ ورتاسىنان باستاپ تەمپەراتۋرا بىرتىندەپ جوعارىلايدى دەپ كۇتىلۋدە.

ەكىنشى ونكۇندىكتىڭ ءبىرىنشى جارتىسىندا قازاقستاننىڭ باسىم بولىگىندە اۋا رايىن سولتۇستىك-باتىس تسيكلون انىقتايتىن بولادى, سوعان بايلانىستى قۇبىلمالى اۋا رايى كۇتىلەدى: ەكپىندى جەل, بۇرقاسىن, جاۋىن-شاشىن (كوبىنەسە قار تۇرىندە) بولادى.

سودان كەيىن سۋىق اۋا ماسسالارىنىڭ رەسەي اۋماعىنان ەنۋىمەن ەكىنشى ونكۇندىكتىڭ سوڭىندا, ءۇشىنشى ونكۇندىكتىڭ باسىندا جانە سوڭىندا تەمپەراتۋرالىق فوننىڭ تومەندەۋى بولجانادى. رەسپۋبليكانىڭ سولتۇستىگىندە, سولتۇستىك-باتىسىندا, شىعىسىندا جانە ورتالىعىندا ەڭ سۋىق كۇندەرى تەرمومەتر باعانالارى تۇندە -17-25°س-قا دەيىن, كۇندىز -8-13°س-قا دەيىن, ال ەلدىڭ باتىسىندا, وڭتۇستىگىندە جانە وڭتۇستىك-شىعىسىندا – تۇندە -5-17°س-قا دەيىن, كۇندىز -2-7°س-قا دەيىن ءتۇسۋى مۇمكىن. كۇندىزگى ۋاقىتتا ەلدىڭ سولتۇستىك جارتىسىندا ايازدىڭ السىرەۋىندە اۋا تەمپەراتۋراسى ءالسىز وڭ ماندەر شەگىندە بولادى, وڭتۇستىك جارتىسىندا اۋا تەمپەراتۋراسى +3+12°س-قا دەيىن جوعارىلايدى.