«توبىل» – چەمپيون!

چەمپيوندىقتىڭ تاعدىرى سوڭعى تۋردا شەشىلدى. وتكەن اپتاعا دەيىن «استانا» مەن «توبىل» تۋرنير كەستەسىندە ءبىر-ءبىرىن وكشەلەپ كەلسە دە, بار ما­سەلە 26-تۋردا شەشىلدى. ەل چەم­پيونى اتانعان «توبىل» سوڭعى تۋر ويىنىن ورالدىڭ «اق­جايىق» ۇجىمىمەن وتكىزدى. سىرت الاڭدا قارسىلاستارىنان 2:0 ەسە­بىمەن باسىم تۇسكەن الەكساندر موس­كالەنكو شاكىرتتەرى وسىلايشا ەل چەمپيونى اتاندى.

كەزدەسۋدىڭ 28-مينۋتىندا «تو­بىل» شابۋىلشىسى يگور سەرگەەۆ كومانداسىن العا شىعاردى. اس­حات تاعىبەرگەننىڭ الىستان جا­ساعان سوققىسىن «اقجايىق» قاق­پاشىسى قايتارعانىمەن, كەيىن سەرپىلگەن دوپقا ءبىرىنشى جەتكەن وزبەكستاندىق شابۋىلشى دوپتى قاق­پاعا توعىتتى. ال 60-مينۋتتا اسحات تاعىبەرگەننىڭ ءوزى جەڭىستى گولدى سوعىپ, ويىننىڭ نۇكتەسىن قويدى. وسىلايشا, 26 ويىندا 61 ۇپاي جيناعان «توبىل» چەمپيون اتاندى. بىرىنشىلىك بارىسىندا «توبىل» 18 رەت جەڭىسكە جەتىپ, 7 رەت تەڭ وينادى. تەك ءبىر ويىندا عانا («كاسپي – 2:1) جەڭىلىستىڭ كەرمەك ءدامىن تاتتى.

ال سوڭعى ساتكە دەيىن «توبىل­مەن» بىرگە چەمپيوندىققا تالاس­قان «استانا» 25-تۋردا سىرت الاڭ­دا «قايراتتان» جەڭىلىپ, چەم­پيوناتتاعى جاعدايىن قيىنداتىپ السا, سوڭعى تۋردا تۋرنير كەس­تەسىندە 12-ورىندا كەلە جاتقان تۇركىستاننىڭ «تۇرانىمەن» تەڭ وينادى. ەكى ويىندا ءبىر-اق ۇپاي جيناعان «استانا» وسىلايشا چەمپيوندىق اتاقتى «توبىلعا» بەرىپ قويدى.

«استانا ارەنادا» وتكەن ويىندا الاڭ يەلەرى ءبىرىنشى تايم­نىڭ 11-مينۋتىندا گول سوعىپ, ەسەپتە العا شىقتى. گولدىڭ اۆتورى – ماكس ەبونگ. العاشقى 45 مينۋتتى ءساتتى اياقتاپ, ەكىنشى تايمدا دا ەلوردالىقتار ءتاۋىر ويىن كورسەتىپ جاتقان ەدى. الايدا 78-مينۋتتا «استانانىڭ» مولدوۆالىق لەگيونەرى ۆالەري چۋپەركا قى­زىل قاعازبەن الاڭنان قۋىلىپ, كو­مانداسىن قيىن جاعدايدا قال­دىرىپ كەتتى. ارادا 2 مينۋت وتكەن سوڭ «استانانىڭ» بۇرىنعى ويىن­شىسى, قازىرگى «تۇراننىڭ» كاپيتانى تاڭات نوسەرباەۆ گول سو­عىپ, تارازى باسىن تەڭەستىردى. قو­رىتىندى ەسەپ – 1:1.

چەمپيوناتتى تەڭ ويىنمەن باستاپ («تۇران» – 2:2), تەڭ ويىنمەن اياقتاعان «استانا» 26 ويىننان كەيىن تۋرنير كەستەسىندە ەكىنشى ورىنعا تابان تىرەدى. 17 ماتچتا جەڭىسكە جەتىپ, 6 ويىندا تەڭ ءتۇسىپ, ۇشەۋىندە جەڭىلگەن ەلوردالىق ۇجىم 57 ۇپاي جينادى. بىلتىرعى بى­رىنشىلىكتە قولا جۇلدەگە قول جەتكىزگەن «استانا» بيىل كۇمىس جۇلدە يەلەندى.

سونىمەن قاتار چەمپيوناتتىڭ تاعى ءبىر ماڭىزدى ويىنى پە­ترو­پاۆلدا ءوتتى. جەرگىلىكتى «قىزىل­جار» كومانداسى ءوز الاڭىندا شىم­كەنتتىڭ «ورداباسى» ۇجى­مىن قابىلداپ, تۋرنير كەستە­سىن­دە ءتورتىنشى ورىنعا كىم لا­يىق ەكەنىن انىقتادى. تۋرنير كەس­تەسىندە ونسىز دا 4-ورىندا تۇر­عان «ورداباسىعا» بۇل ويىندا تەڭ ناتيجە دە جەتىپ جاتىر ەدى. ماتچتىڭ 90-مينۋتى باستالعانعا دەيىن شىمكەنتتىكتەر الاڭ قو­جايىن­دارىمەن تەرەزەسى تەڭ ويىن كورسەتىپ (2:2), ءوز مىندەتتەرىن لا­يىقتى ورىنداپ جاتقان بولاتىن. بىراق تورەشى قوسقان قوسىمشا مينۋتتا «قىزىلجار» ويىنشىسى پابلو پوديو بۇرىشتاما كەزىندە باس­پەن گول سالىپ, جەرگىلىكتى جان­كۇيەرلەردى قۋانىشقا بولەدى – 3:2.

وسى جەردە ەشقانداي جۇلدەسى جوق ءتورتىنشى ورىننىڭ قانداي ماڭىزى بار دەگەن زاڭدى ساۋال تۋىندايتىنى انىق. بىرىنشىلىك ەرەجەسى بويىنشا, ەگەر قازاقستان كۋبوگىندا چەمپيوناتتاعى ال­عاشقى ءۇش ورىندى يەلەنگەن كومان­دانىڭ ءبىرى توپ جاراتىن بولسا, ەۋروكۋبوك ويىندارىنا بەرىلەتىن جولداما اۆتوماتتى تۇردە چەم­پيوناتتا ءتورتىنشى ورىن العان كو­مانداعا بەرىلەدى. ال قازىر كۋبوك ويىنىنىڭ جارتىلاي فينالىنا «توبىل», «استانا», «قايرات» جانە «شاحتەر» كلۋبتارى شىققان. ەگەر «شاحتەر» قازاقستان كۋبوگىن يە­لەنەتىن بولسا, وندا تۋرنير كەس­تەسىندە ءتورتىنشى ورىن العان كو­ماندا بارىنەن قۇر قالادى. ەن­دى «قىزىلجار» جانكۇيەرلەرى قازاق­ستان كۋبوگىنىڭ اياقتالعانىن كۇتەدى.

26-تۋردىڭ وزگە دە ويىندا­رىنىڭ ناتيجەسى مىناداي: «قاي­رات» – «جەتىسۋ» – 0:0, «اقتوبە» – «كاسپي» – 1:5, «تاراز» – «قايسار» – 1:2, «شاحتەر» – «اتىراۋ» – 3:1.

تۇڭعىش رەت پرەمەر-ليگادا

بيىلعى ەل بىرىنشىلىگىنىڭ قورىتىندىسى بويىنشا ەڭ ناشار ويىن كورسەتكەن ەكى ۇجىم – «قاي­سار» مەن «جەتىسۋ» جوعارى توپتان تومەنگى توپقا ءتۇسىپ قالدى. ەندى ەكى كلۋب قايتادان پرەمەر-ليگاعا شىعۋ ءۇشىن كەلەسى جىلى ءبىرىنشى ليگادا ۇزدىكتەر قاتارىنان كورىنۋى كەرەك. ال تومەنگى توپتا العاشقى ەكى ورىندى يەلەنگەن پاۆلودار وبلىسىنىڭ «اقسۋى» مەن تۇركىستان وبلىسىنىڭ «ماقتاارالى» ەندى پرەمەر-ليگادا «قايسار» مەن «جەتىسۋدىڭ» ورنىن باسادى. ءبىر ايتا كەتەرلىگى, ءبىرى 2012 جىلى («ماق­تاارال»), ەكىنشىسى 2018 جىلى («اقسۋ») قۇرىلعان ەكى كلۋب تا ءوز تاريحىندا تۇڭعىش رەت پرەمەر-ليگاعا جولداما الىپ وتىر. «ماقتاارالدىڭ» 2017 جىلى جوعارى توپتا وينايتىن مۇمكىندىگى بولعان ەدى. الايدا ەلەكتىك ويىندا «تارازدان» جەڭىلىپ, پرەمەر-ليگادان تىس قالدى.

دەگەنمەن «ماقتاارالدىڭ» كەلەسى جىلعى چەمپيوناتتاعى تاعدىرى قىل ۇستىندە تۇر. سەبەبى ءبىرىنشى ليگادا ونەر كورسەتەتىن «وقجەتپەس» كلۋبىنان فەدەراتسيا شەشىمى بويىنشا 9 ۇپاي الىنعان. ەگەر كلۋب فەدەراتسيا الدىنداعى مىن­دەتتەرىن تولىق ورىندايتىن بولسا, وندا «وقجەتپەس» قايتادان پرەمەر-ليگاعا ورالۋى مۇمكىن.

چەمپيونات قورىتىندىسى بو­­يىنشا, جىلدىڭ ۇزدىك سۇر­مەر­گەنى بولىپ «استانانىڭ» حور­ۆاتيالىق لەگيونەرى مارين تو­ماسوۆ تانىلدى. ول ماۋسىم بويى قارسىلاستار قاقپاسىنا 17 گول سوقتى. ەكىنشى ورىن «قايرات» شا­بۋىلشىسى ارتۋر شۋ­شەناچەۆكە بۇيىرسا (12 گول), ۇزدىك ۇشتىكتى «توبىلدىڭ» ويىن­شىسى يگور سەرگەەۆ (10 گول) تۇيىندەدى.