پرەمەر-ءمينيستردىڭ تاپسىرماسى بويىنشا قاراعاندىعا ات باسىن بۇرعان ۆيتسە-پرەمەر ەرالى توعجانوۆ وبلىس اكتيۆىمەن ەپيدەميولوگيالىق جاعداي جانە «اۋىل – ەل بەسىگى» جوباسىن ىسكە اسىرۋ ماسەلەلەرى بويىنشا كەڭەس وتكىزدى, دەپ حابارلايدى Egemen.kz.
پرەمەر-ءمينيستردىڭ ورىنباسارى وڭىردەگى ەپيدەميولوگيالىق جاعداي تۇراقتى ەكەنىن, وسى جىلدىڭ تامىز ايىنان باستاپ كوروناۆيرۋسپەن اۋىرعاندار سانى 8 ەسەگە تومەندەگەنىن اتاپ ءوتتى.
جيىندا وبلىس اكىمى جەڭىس قاسىمبەك كوروناۆيرۋستىق ينفەكتسيامەن كۇرەس بويىنشا قابىلدانىپ جاتقان شارالار تۋرالى باياندادى.
ەرالى توعجانوۆ جەرگىلىكتى بيلىك ورگاندارىنا حالىقتى ۆاكتسيناتسيالاۋمەن قامتۋ جۇمىستارىن كۇشەيتۋدى, سونداي-اق كامەلەتكە تولماعاندار اراسىندا اۋرۋدىڭ وسۋىنە جول بەرمەۋ ءۇشىن مەكتەپتەردە كارانتيندىك شارالاردىڭ ساقتالۋىن قامتاماسىز ەتۋدى تاپسىردى.
سونداي-اق, ۆيتسە-پرەمەر «Pfizer» ۆاكتسيناسىن ساقتاۋ جانە تاراتۋ جونىندەگى نەگىزگى حاب ورنالاساتىن قان ورتالىعىنىڭ جۇمىسىمەن تانىستى.