قوستاناي وبلىستىق پوليتسيا دەپارتامەنتىنىڭ ءباسپاسوز قىزمەتى 28 قازان كۇنى جانگەلدين اۋدانىنىڭ تابيعاتتى قورعاۋ پوليتسياسىنىڭ قىزمەتكەرلەرى نۇربەك دۇيسەنباەۆ پەن ءابۋناسىر وسپانوۆ "وحوتزووپروم" ينسپەكتورلارىمەن بىرلەسىپ, تارتاق ەلدى مەكەنىندەگى شارۋا قوجالىقتارىنىڭ بىرىنەن ەكى كيىكتىڭ دەنەسىن تاپقانى تۋرالى اقپارات تاراتتى, دەپ حابارلايدى Egemen.kz.
پوليتسەيلەر «براكونەر» وپەراتسياسى اياسىندا اقتوبە وبلىسىنىڭ تۇرعىنىن زاڭسىز اڭ اۋلاعانى ءۇشىن ۇستاعان.
«باستاپقى تەرگەۋ ارەكەتتەرىن جۇرگىزۋ كەزىندە پوليتسيا 45 جاستاعى ەر ادامنىڭ اقتوبە وبلىسىنان كەلىپ, قويشى بولىپ جۇمىسقا ورنالاسقانىن انىقتادى. ول موتوتسيكلمەن دالاعا شىعىپ, اقبوكەندەردى اۋلاي باستاعانىن ايتتى, - دەپ ءتۇسىندىردى پوليتسيا وكىلى. «وقيعا ورنىن تەكسەرۋ بارىسىندا پوليتسەيلەر كيىكتىڭ ەتى مەن ءمۇيىزىن تاركىلەدى», دەلىنگەن حابارلامادا
جالپى جىل باسىنان بەرى ءوڭىردىڭ تابيعاتتى قورعاۋ پوليتسياسى زاڭسىز اڭ اۋلاۋدىڭ 14 فاكتىسىن انىقتاعان. «براكونەر» جەدەل الدىن الۋ ءىس-شاراسىنىڭ سەگىز كۇنىندە ءتارتىپ ساقشىلارى 52 اكىمشىلىك قۇقىق بۇزۋشىلىقتى تىركەگەن.