سەربيا استاناسى بەلگراد قالاسىندا ءوتىپ جاتقان الەم چەمپيوناتىندا بوكسشىلارىمىز ازىرگە ءۇمىتتى اقتاپ تۇر, دەپ حابارلايدى Egemen.kz.
بۇگىن قازاقستان قۇراماسى ساپىنان العاش بولىپ رينگكە كوتەرىلگەن ماحمۇد سابىرحان جارقىن مانەردەگى جەڭىسىمەن جانكۇيەرلەردى قۋانتتى. وڭتۇستىك كورەيا ەلىنىڭ ۇكىلى ءۇمىتى ين گيۋ كيممەن قولعاپ تۇيىستىرگەن وتانداسىمىز ءۇش راۋند بويى ساۋاتتى جۇدىرىقتاسىپ, جەڭىستى جورىقتى جالعاستىردى. تالانتتى بوكسشىنىڭ رينگتەگى ونەرى كوز ءسۇيسىنتتى.