ەلوردادا حالىقارالىق تۇركى اكادەمياسىنىڭ جاڭا عيماراتى اشىلدى. سالتاناتتى شاراعا قر مەملەكەتتىك حاتشىسى قىرىمبەك كوشەرباەۆ پەن زيالى قاۋىم وكىلدەرى قاتىستى, دەپ حابارلايدى Egemen.kz.
«ەلباسى نۇرسۇلتان نازارباەۆتىڭ باستاماسىمەن قۇرىلعان تۇركى اكادەمياسى تۇركىتىلدەس باۋىرلاس ەلدەردى رۋحاني تۇرعىدان بايلانىستىراتىن ىقپالدى حالىقارالىق ۇيىمعا اينالىپ كەلەدى. مەملەكەت باسشىسى قاسىم-جومارت توقاەۆتىڭ قولداۋىمەن بۇگىن اكادەميانىڭ جاڭا عيماراتىنىڭ اشىلۋىنا كۋا بولدىق. بارشاڭىزدى وسى ماڭىزدى كۇنمەن شىن جۇرەكتەن قۇتتىقتايمىن. حالىقارالىق تۇركى اكادەمياسى باۋىرلاس حالىقتاردىڭ مادەنيەتىن, ادەبيەتىن, ءتىلىن زاماناۋي جاڭعىرتۋعا ەرەكشە ۇلەس قوسۋدا», دەپ اتاپ ءوتتى قىرىمبەك كوشەرباەۆ.
اكادەميا عيماراتىندا مۇراجاي مەن كىتاپحانا ورنالاسقان, وندا تۇركى الەمىنە قاتىستى قۇندى ەكسپوناتتار مەن ادەبيەتتەر ۇسىنىلعان.
«2009 جىلى ەلباسىنىڭ باستاماسىمەن حالىقارالىق تۇركى اكادەمياسى اشىلدى, 2010 جىلى اكادەمياعا بەيبىتشىلىك جانە كەلىسىم سارايىندا جەكە كەڭسە بەرىلدى. ال بۇگىن مەملەكەت باسشىسىنىڭ تاپسىرماسى بويىنشا ءبىزدىڭ اكادەميانىڭ جاڭا عيماراتى اشىلدى. جاڭا عيمارات ەكى بولىكتەن تۇرادى. بىرىنشىسىندە مۇراجاي مەن كىتاپحانا ورنالاسقان. ال ەكىنشىسى - ءبىزدىڭ قىزمەتكەرلەرىمىزدىڭ جۇمىس كابينەتتەرى. مۇراجايدىڭ ءوزى ءۇش بولىككە بولىنگەن. ءبىرىنشى بولىگى تۇركى حالىقتارىنىڭ ەتنوگرافياسىنا, ەكىنشى بولىگى جالپى تۇركولوگياعا ارنالعان, ال ءۇشىنشى بولىگىنە اكادەمياعا سىيعا تارتىلعان كادەسىيلار مەن ەكسپوناتتار ورنالاستىرىلادى», دەدى حالىقارالىق تۇركى اكادەمياسىنىڭ پرەزيدەنتى دارحان قىدىرالى.