ەلباسى ءساۋىر ايىنان باستاپ شاكىرتاقىنى 10%-عا ارتتىراتىنىن ايتقاندا, ءوزىم دە, اتا-انام دا قاتتى قۋاندىق. سەبەبى, الەۋمەتتىك تۇرعىدا از قامتىلعان وتباسىنان شىققان گرانت يەگەرى ءۇشىن بۇل ۇلكەن كومەك. نەگىزى, مەكتەپتە وتە جاقسى وقىپ, ءوز كۇشىممەن قالاعان جوعارى وقۋ ورنىنا ءتۇسىپ, مۇندا دا جاقسى وقىپ, مەملەكەت گرانتىنا يە بولعان ستۋدەنتتىڭ ءبىرىمىن. قازىرگى تاڭدا 17500 تەڭگە ستيپەنديا الىپ ءجۇرمىن. قۇدايعا شۇكىر, سول قاراجاتتى ۇنەمدەپ, رەتىمەن جۇمساي العاندىقتان, قۇربىلارىمنان قالىسپاي كيىنىپ, وزگە دە قاجەتتىلىكتەرىمدى تولىق وتەپ جۇرگەن جايىم بار.
شىنى كەرەك, شاكىرتاقى الىپ جۇرگەن ستۋدەنتتەر سەسسيا كەزىندە «ءسۇرىنىپ قالسا», شاكىرتاقىلارىنان وڭاي ايىرىلىپ قالاتىنى انىق. سوندىقتان دا, مەملەكەت بەرىپ وتىرعان زور مۇمكىندىكتى قولدان تايدىرىپ الماي, جاقسى وقۋعا ۇمتىلۋ كەرەك. ال اقىلى ءبىلىم الىپ جۇرگەن جوعارى وقۋ ورىندارىنىڭ ۇزدىك ستۋدەنتتەرىنە شاكىرتاقىعا كەنەلەتىن جاعداي بار ەكەنىن ەستەن شىعارماعان ابزال. وقۋ ۇلگەرىمىڭ جاقسى بولسا, ءار جىل سايىن ساراپقا سالىناتىن ءتۇرلى دەڭگەيدەگى گرانتتاردى ۇتىپ الۋعا ابدەن بولادى. قورىتىپ ايتساق, «جاقسى وقيمىن» دەپ تالپىناتىن, اتا-انالارىنا سالماق سالۋدى تەرىس سانايتىن, بولاشاقتا جوعارى كاسىبي مامان بولۋدى ارماندايتىن ءار ستۋدەنتكە مەملەكەت قولۇشىن بەرۋگە اركەز دايىن. سونىڭ جارقىن دالەلى رەتىندە, شاكىرتاقىنىڭ وسەتىنىن ايتۋعا بولادى. «جوعارى ۇلگەرىمى بار ستۋدەنتتەردى قولداۋدىڭ ءتيىمدى جۇيەسىن قۇرۋ قاجەت» دەپ سانايتىن ەلباسىمىزدىڭ ۇكىلەگەن ءۇمىتىن اقتاۋعا تالپىنۋىمىز قاجەت.
ءمادينا ميزاموۆا,
جەتىسۋ مەملەكەتتىك ۋنيۆەرسيتەتىنىڭ ستۋدەنتى.
الماتى وبلىسى.