شىعىس قازاقستان وبلىسىندا قاتونقاراعاي تۋريستىك كەشەنى سالىنادى. بۇل تۋرالى قر ۇلتتىق ەكونوميكا ءمينيسترى اسەت ەرعاليەۆ ايتتى, دەپ حابارلايدى Egemen.kz.
ورتالىق كوممۋنيكاتسيالار قىزمەتىندەگى ءباسپاسوز ءماسليحاتى بارىسىندا باق وكىلدەرى اراب ينۆەستورلارمەن جاسالعان كەلىسىمدەر قانداي سالالارعا اسەر ەتەتىندىگىن سۇرادى.
«ەلەكتر ەنەرگەتيكاسىنان باسقا اۋىل شارۋاشىلىعى, فراماتسەۆتيكا, تۋرزيم, كولىك جانە لوگيستيكا سالالارى بار. اگروونەركاسىپ كەشەنىنە 50 ملن دوللاردان استام ينۆەستيتسيا تارتىلادى. جىل سايىن 8 مىڭ توننادان استام قوي ەتى شىعارىلاتىن بولادى. بۇل كەلەشەكتە ەلىمىزدە اۋىل شارۋاشىلىعى سالاسىنداعى ەكسپورتتى ارتتىرۋعا مۇمكىندىك بەرەدى. ال تۋريزم سالاسىن ايتاتىن بولساق, شىعىس قازاقستان وبلىسىندا قاتونقاراي تۋريستىك كەشەنى سالىنادى.
وسى جوباعا 120 ملن دوللار ينۆەستيتسيا تارتىلادى. فارماتسەۆتيكا باعىتىندا اراب كومپانيالارىمەن ىنتىماقتاستىق ەلىمىزدى قولجەتىمدى ءدارى-دارمەكپەن قامتاماسىز ەتۋگە جاعداي جاسايدى. كولىك جانە لوگيستيكا بويىنشا قازاقستاننىڭ كوتەرمە تاراتۋ ورتالىقتارى جەلىسىن دامىتۋعا مۇمكىندىك بەرەدى. وسى ينۆەستيتسيالىق جوبالار ازاماتتارىمىزدى جاڭا جۇمىس ورىندارىمەن قامتاماسىز ەتەدى», دەدى مينيستر.
ايتا كەتەيىك, 2021 جىلعى 9-10 قازاندا قر پرەمەر-ءمينيسترى اسقار مامين بىرىككەن اراب امىرلىكتەرىنە جۇمىس ساپارىمەن باردى.