اقتوبە وبلىسىندا ءتارتىپ ساقشىلارى جەكەمەنشىك ۇيلەردىڭ ءبىرىن تەكسەرۋ بارىسىندا زاڭسىز جۇمىس ىستەپ كەلگەن ەۆانگەل حريستيان باپتيستەرى ءدىني بىرلەستىگىن انىقتادى. بۇل تۋرالى Gazeta.kz حابارلادى.
وبلىستىق پروكۋراتۋرانىڭ ءباسپاسوز قىزمەتىنىڭ مالىمەتىنە جۇگىنسەك, اتالمىش بىرلەستىك مەملەكەتتىك تىركەۋدەن وتپەگەن ەكەن. سول جەكەمەنشىك ءۇيدىڭ ءبىر بولىگى ءدىني راسىمدەر مەن جورالعىلار وتكىزۋگە ارنالعان. قازىر وسى جەردەن الىنعان 43 ءدىني كىتاپ ساراپتاماعا جىبەرىلدى.
بىزگە كەلىپ تۇسكەن سوڭعى اقپارات كوزىندە تىركەلمەگەن ءدىني بىرلەستىككە باسشىلىق جاساعان ادامنان جانە وسى ءدىني بىرلەستىككە قاتىسى بار كىنالى تۇلعالاردان جاۋاپ الىنىپ جاتقانى جازىلعان. بۇعان بايلانىستى اكىمشىلىك قۇقىق بۇزۋشىلىق تۋرالى كودەكستىڭ 374-بابىنا سايكەس, ايىبى دالەلدەنگەن ازاماتتاردى جاۋاپكەرشىلىككە تارتۋ ماسەلەسى قاراستىرىلۋدا.
ءامىرحان الماعانبەتوۆ.
دەرەككوز: Gazeta.kz.
فوتو: Gazeta.kz.