بۇگىنگى كۇننىڭ باستى ماسەلەلەرىنىڭ ءبىرى – اتا-انا مەن بالانىڭ قارىم-قاتىناسى. وتباسى قۇندىلىقتارىن ەلەمەي, ۇيدەن بەزگەن بالالار مەن اتا-انا قۇقىعىنان ايىرىلعاندار كوبەيىپ كەلەدى, دەپ حابارلايدى Egemen.kz.
بۇل ماسەلەنى Egemen Qazaqstan گازەتىنىڭ ءجۋرناليسى بانۋ ءادىلجان كوتەردى.
وتكەن جىلى ەلوردادا اتا-انا قۇقىعىنان ايىرۋ تۋرالى سوتقا 114 تالاپ ارىز بەرىلگەن. ونىڭ 23-ءى قاناعاتتاندىرىلىپ, 43 ءىس بويىنشا قاناعاتتاندىرۋدان باس تارتىلىپ, جالپى 66 ءىس بويىنشا سوت شەشىمى شىعارىلعان. ستاتيستيكا مəلىمەتتەرىنە قاراعاندا, بيىلعى 9 ايدىڭ ىشىندە قارالعان ىستەر وتكەن جىلمەن سالىستىرعاندا 50 ەسە كوپ.
اتا-انا قۇقىعىنان ايىرىلاتىندار ساناتىنا جۇمىسسىزدار, ياعني اليمەنت تولەۋدەن جالتارىپ جۇرگەندەر, سونداي-اق امورالدىق ءومىر سۇرۋگە ماشىقتانعان, سپيرتتىك ىشىمدىكتەر نەمەسە ەسىرتكى, پسيحوتروپتىق زاتتارعا əۋەستەنگەندەر جاتادى.
«اتا-انا قۇقىعىنان ايىرۋ – ماسەلەنى شەشۋدىڭ سوڭعى جولى ەمەس. قۇزىرلى ورگانداردىڭ ماقساتى دا بالانى وتباسىنان ايىرۋ ەمەس.ء بىزدىڭ مىندەتىمىز قىزدى اناسىنان, ۇلدى əكەسىنەن الشاقتاتۋ ەمەس. باستى ماقسات – وتباسىعا دەر كەزىندە قاجەتتى قولداۋ كورسەتۋ, ولاردى قوعامعا قايتا بەيىمدەۋ», دەيدى ۋچاسكەلىك ينسپەكتور.