شىعىس قازاقستان وبلىسىنداعى بۇقتىرما سۋ قويماسىندا زاڭسىز بالىق اۋلاعان 4 ادام ۇستالدى, دەپ حابارلايدى Egemen.kz.
شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ءتارتىپ ساقشىلارى التاي اۋدانىنداعى بۇقتىرما سۋ قويماسىنىڭ جاعالاۋىنا رەيدكە شىققان. شارا بارىسىندا وكتيابرسكي كەنتىنىڭ ماڭىندا بالىق اۋلاعان 4 براكونەر ۇستالدى.
«تەكسەرۋ كەزىندە ەر ادامداردىڭ بالىق اۋلاۋعا رۇقسات قۇجاتتارىنىڭ جوقتىعى انىقتالدى. 33-44 جاس ارالىعىنداعى ازاماتتاردان 2 قايىق جانە 200 كەلىدەن استام ريپۋس بالىعى تاركىلەندى», دەپ حابارلادى ۆەدومستۆو وكىلدەرى.
قازىرگى ۋاقىتتا پوليتسيا قىزمەتكەرلەرى اتالعان فاكتى بويىنشا قر قك-ءنىڭ 335-بابى 1-بولىگىنە (بالىق رەسۋرستارىن, باسقا دا سۋ جانۋارلارىن نەمەسە وسiمدiكتەرىن زاڭسىز الۋ) سايكەس سوتقا دەيىنگى تەرگەۋ امالدارىن جۇرگىزىپ جاتىر.