بۇگىنگى جەتىستىكتەرىمىزدىڭ ءبارى تاۋەلسىزدىكتىڭ جەمىسى. بۇل تۋرالى قر پارلامەنتى سەناتىنىڭ توراعاسى ماۋلەن اشىمباەۆ ايتتى, دەپ حابارلايدى Egemen.kz.
«بۇگىنگى فورۋم قازاقستان تاۋەلسىزدىگىنىڭ 30 جىلدىعىنا ارنالىپ وتىر. تاۋەلسىزدىك ءبىزدىڭ ەڭ باستى قۇندىلىعىمىز, اتا-بابامىزدىڭ سان عاسىر اڭساعان اسىل ارمانى. بۇگىنگى جەتىستىكتەرىمىزدىڭ ءبارى وسى تاۋەلسىزدىكتىڭ جەمىسى. ەگەمەندىكتىڭ ارقاسىندا ءتىلىمىز بەن ءدىلىمىزدى, تاريحىمىز بەن ءداستۇرىمىزدى, مادەنيەتىمىز بەن رۋحانياتىمىزدى جاڭعىرتتىق. 30 جىلدىڭ ىشىندە جۇيەلى الەۋمەتتىك-ەكونوميكالىق جانە ساياسي رەفورمالاردى جۇزەگە اسىرىپ, مەملەكەتتىلىكتى مىزعىماستاي ەتىپ قالىپتاستىرىق. بۇگىندە دۇنيەجۇزى قازاقستاندى تۇراقتى, الەمدىك ارەنادا ابىروي-بەدەلگە يە, دوستىققا بەرىك ەل رەتىندە تانيدى», دەدى سەنات سپيكەرى قازاقستان الەۋمەتتانۋشىلارىنىڭ VII كونگرەسىندە.
ونىڭ اتاپ وتۋىنشە, مۇنىڭ ءبارى قر تۇڭعىش پرەزيدەنتى – ەلباسى نۇرسۇلتان نازارباەۆتىڭ ستراتەگيالىق ساياساتىنىڭ ناتيجەسى ەكەنى ءسوزسىز. وسى ساياساتتىڭ ساباقتاستىعىن قامتاماسىز ەتىپ, ەلىمىزدى جاڭا بەلەستەرگە شىعارۋ ءۇشىن قر پرەزيدەنتى قاسىم-جومارت توقاەۆ جۇيەلى جۇمىستاردى جۇزەگە اسىرىپ جاتىر.
ء«بىزدىڭ الداعى ماقسات-مۇددەمىز ايقىن. باستى مىندەت - ەلدىگىمىزدى ەڭسەلى ەتۋ جانە تاۋەلسىزدىگىمىزدى ودان ارى نىعايتۋ. وسى جولدا بۇگىنگىدەي باسقوسۋلاردىڭ دا ماڭىزى زور. بۇگىن ايتىلعان پىكىرلەر مەن ۇسىنىستار ەلدىك مۇددەگە يگى اسەرىن تيگىزەدى دەپ سەنەمىن», دەدى ماۋلەن اشىمباەۆ.