2021 جىلدىڭ 8 ايىندا يپوتەكا بويىنشا 1,2 ترلن تەڭگەنىڭ 97,2 مىڭنان استام كەلىسىمشارتى رەسىمدەلدى. بۇل بىلتىرعىدان 2 ەسە كوپ, دەپ حابارلايدى Egemen.kz.
بۇل تۋرالى ءبىرىنشى كرەديت بيۋروسى مالىمدەدى.
«2021 جىلى يپوتەكالىق نەسيە بەرۋ ەكى ەسەگە ارتتى. 8 اي ىشىندە قازاقستاندا جالپى سوماسى 1,2 ترلن تەڭگەگە جۋىق 97,2 مىڭنان استام كەلىسىمشارت رەسىمدەلدى. بۇل ءبىر جىل بۇرىنعىعا قاراعاندا ەداۋىر كوپ. بەرىلگەن كرەديتتەر سانى 62%, ال ولاردىڭ كولەمى 2 ەسەدەن استام ءوستى. قازاقستاندىقتار كوبىنەسە ءبىر يپوتەكانى وتەي سالىپ, ەكىنشىسىن الادى. بيىل 4,1 مىڭنان استام ادام وسىنداي يپوتەكا راسىمدەگەن», دەلىنگەن بيۋرو حابارلاماسىندا.
ساراپشىلار 2021 جىلدىڭ 8 ايىنداعى قورىتىندى بويىنشا ساتىپ الۋ-ساتۋ مامىلەلەرىنىڭ سانى 370 مىڭنان اسقانىن ايتادى. بۇل 2020 جىلدىڭ سايكەس كەزەڭىمەن سالىستىرعاندا 2,1 ەسە كوپ.
«قازاقستاندىقتاردىڭ زەينەتاقى جيناقتارىنىڭ ءبىر بولىگىن پايدالانۋعا مۇمكىندىگى پايدا بولعانى سەرپىن بەرگەنى انىق. 7 اي ىشىندە بجزق-دان تۇرعىن ءۇي جاعدايلارىن جاقسارتۋ ءۇشىن الۋشىلاردىڭ شوتتارىنا 1,76 ترلن تەڭگە اۋدارىلدى. بۇل سومانىڭ شامامەن 70%-ى تۇرعىن ءۇي ساتىپ الۋ كەزىندە تولىق ەسەپتەۋگە باعىتتالعان. 10%-دان استامى يپوتەكالىق قارىز الۋ ءۇشىن پايدالانىلعان», دەپ جازادى تالداۋ ورتالىعى.
تالداۋعا سۇيەنسەك, كەيىنگى 12 ايدا مەرزىمى وتكەن يپوتەكالىق نەسيەنىڭ كولەمى 310,5 ملرد تەڭگەدەن 216,5 ملرد تەڭگەگە دەيىن ازايعان.