قازاق اسپانىندا قاسىم رۋحى

بۇل جولعى بايقاۋعا قارا­عاندى اقىندارى عانا ەمەس, الماتى, سولتۇستىك قازاقستان, قى­زىلوردا, شىعىس قازاقستان, اتىراۋ, اقتوبە, قوستاناي وب­لىس­تارىنان جانە نۇر-سۇلتان, تۇركىستان, پاۆلودار قالا­لا­رىنان 18-35 جاس ارالى­عىنداعى تالانتتى جاستار قا­تىستى. بارلىعى 118 ءوتىنىم كەلىپ تۇس­كەن. ءتىپتى پولشا ەلىنەن دە ءوتىنىش كەلىپ تۇسكەن ەكەن. بۇعان قاراپ, الداعى ۋاقىتتا حالىق­ارالىق دەڭگەيدەگى وقۋ بولاتىنىنا سەنىمىمىز مول.

اقىننىڭ ءدۇبىرلى تويىندا اكە ەسىمىن ۇلىقتاپ, ارنايى ات تەرلەتىپ كەلگەن قا­سىم اقىننىڭ ۇرپاقتارى, شوبەرە قارىنداستارى شولپان قادىرعاليەۆا مەن دامەگۇل راقىمجانوۆا ءىس-شارانىڭ قۇر­مەتتى قوناقتارىنىڭ قاتارىنان كورىندى. جاستارعا اق تىلەگىن ارناپ, بابا رۋحىنا كورسەتكەن قۇرمەتتەرىنە ريزاشىلىعىن ءبىلدىردى.

«جاس داۋرەن» ۆوكالدىق باي­قاۋى مەن «دۇنيەگە كەلەر ءالى تالاي قاسىم…» پوەزيا بايقاۋى بويىنشا وتكەن ونەر دوداسى 2 كۇنگە سوزىلدى. اقتىق مارەگە جولداما العان 15 تالاپكەر ءوز ىشىندە كىم مىقتىنى انىقتادى.

پوەزيا اتالىمىندا باس جۇلدە قىزىلوردالىق اقجول تۇمەنبايعا بۇيىردى. ءبىرىنشى ورىندى قاراعاندىلىق جا­لەل شالقار السا, ماقسات كۇ­زەم­حانوۆ ەكىنشى ورىندى قا­ناعات تۇتتى. جاس اقىندار اي­زادا راحىمجانوۆا, ار­شىن نۇر­باقىت, ارايلىم مۋ­رات­­­اليەۆا ءۇشىنشى ساتىدان كو­رىندى. ال ءان بايقاۋى بو­يىن­­­شا قارا­عاندىلىق ايبەك رىم­­عالي­دىڭ ەرەكشە داۋىسى ەشكىم­دى سوڭىنان ىلەستىرمەدى. نۇر-سۇل­تاندىق سىرىم مۇ­حامەت­جا­نوۆ ءبىرىنشى ورىنعا, كامشات تۇرابەكوۆا تۇعىردىڭ ەكىنشى ساتىسىنا جايعاستى. جاس تالاپكەرلەر ەراسىل الپىسباي, قۋاندىق توكەنوۆ, جانبولات بايسولتان تيىسىنشە ءۇشىنشى ورىندى قانجىعالادى. قالعان قاتىسۋشىلاردىڭ بارلىعىنا ارنايى ديپلوم مەن اقشالاي سىيلىق تابىس ەتىلدى.

ەكى كۇنگە سوزىلعان ءان مەن جىر دوداسى عاسىرلار تىزبەگىنە ءۇن قوسقان قاسىم اقىننىڭ ادە­بي مۇراسى حالقىمىزدىڭ تا­لايلى تاعدىرىندا ءىز قالدى­رىپ, كوكىرەگىندە ساۋلەسى بار جان­داردىڭ ويىنا وردا تىكتى.

ولار بابادان قالعان ونەر قۇدى­رەتىنە العىس ايتىپ, قا­راعان­دىنىڭ اسقاق رۋحى ءۇشىن اسقان ماقتانىش سەزىم ارقالاپ تاراستى.